د امریکا مشهوره سندر غاړې په استانبول کې مسلمانه شوه
مشهوره امریکايي سندرغاړې دیلا مایلز په نوي زیلاند کې په دوو جوماتونو د وحشیانه خونړیو بریدونو په غبرګون کې د اسلام په مبارک دین مشرفه شوه.
د امریکا مشهورې سندرغاړې مایلز چې د کنسرت د اجرا کولو په خاطر استانبول ته راغلې وه دلته د اسلام په مبارک دین مشرفه شوه او مسلمانه شوه.
ډیلامایلز چې د مایکل جکسن او ویتني هوسټن په څیر د مشهورو سندرغاړو سره په ګډه سندرې ویلي دي په ترکیه کې مسلمانه شوه.
هغې ویلي دي چې د تیرو پنځو میاشتو راهیسې د اسلام د دین په اړه تحقیقات کول خو کله چې په نوي زیلاند کې پر جوماتونو وحشیانه بریدونه وشول د مسلمانیدو پریکړه يي وکړه.
ډیلا مایلز د مسلمانیدو خبر د ټولنیزې مډیا له لارې اعلان کړ. هغې د ټولنیزې مډیا له لارې یو ویدیويي پیغام خپور کړی دی چې پکې د شهادت کلمې په ویلو سره اسلام قبول کړی دی.
ډیلا مایلز د مسلمانیدو نه وروسته په استانبول کې د فاتح سلطان احمد خان د جومات نه لیدنه وکړه او په خپل کور کې د ځوړولو په خاطر د ترکیې بیرغ هم واخیسته.
هغې په نوي زیلاند کې په دوو جوماتونو د خونړی بریدونو په غبرګون کې وویل چې اسلام فوبیا یا اسلام ستیزې په نړۍ کې د ساري ناروغۍ په څیر په ډیرې چټکۍ سره د خپریدو په حال کې ده .
هغې ویلي دي چې په واقعیت چې اسلام د مینې، محبت، صمیمت، ورورولۍ، حسن نیت او سولې دین دی.
هغې ویلي دي چې د اسلام په مبارک دین د مشرفیدو له امله ډیره زیاته خوښه ده. الله ماته د ژوند تر ټولو په خوږو شپو او ورځو کې د اسلام مبارک دین په تحفه کې راکړ. زه يي مسلمانه کړم او د اسلام په مبارک دین يي ونازولم.
دا زما لپاره د ژوند تر ټولو خوږې شیبې دي.
اړوند خبرونه
ولسمشر اردوغان : د تورکیې لپاره نوی اساسي قانون یوه جدي اړتیا ده
د تورکیې ولسمشر رجب طیب اردوغان وویل چې نوی اساسي قانون به د هیواد د ستونزو د حل لاره لا ګړندۍ کړي.
د تورکیې ملي شورا د تورکیې او فلسطین ترمنځ لاسلیک شوي تړونونه تصویب کړل.
د تورکیې ملي شورا د تورکیې او فلسطین ترمنځه لاسلیک شوي دوه تړونونه تصویب کړل