د ۱۹۱۵ کلونو د پيښو په تړاو د ټرمپ لخوا د خپور شوي بیان په اړه ترکیې سخت غبرګون وښود
ترکیه : امریکا ته د ۱۹۱۵ کلونو د پيښو په اړه عادلانه چلند کولو ته بلنه ورکوو
ترکیې د ۱۹۱۵ کلونو د پيښو او ارامنه ادعاګانو اړوند د امریکا متحده ایالتونو د ولسمشر دونالد ټرمپ لخوا د خپور شوي بیان په اړه سخت غبرګون ښودلی دی.
ترکیې په یاد شوي بیان کې کارول شوې جملې او تاریخ په اړه تفسیر په کلکه توګه رد کړي دي.
د ترکیې د بهرنیو چارو وزارت پدې اړه په خپره کړې خبرپاڼه کې ویلي دي چې د امریکا متحده ایالتونو د ولسمشر دونالد ټرمپ لخوا د ۱۹۱۵ کلونو د پيښو اړوند د ۲۰۱۸ کال د اپریل په ۲۴ مه نیټه په خپور شوي بیان کې کارول شوې جملې او د تاریخ تفسیر په کلکه توګه ردو.
په خبرپاڼه کې راغلي دي چې« د امریکا متحده ایالتونو نه د ترکیې تمه او انتظار دادی چې د هغه دورې په اړه چې د عثماني امپراتورۍ ټولو ملتونو په ګډه ډیر لوی لوی دردونه او ټپونه لیدلي دي په ډیره عادلانه توګه برخورد او ارزونې وکړي. پدې چوکاټ کې غواړو چې د امریکا ولسمشر ښاغلي ټرمپ ته ورپه یاد کړو چې پدې دوره کې تر ۵۰۰ زرو تنو ډیر مسلمانان د ارمني عصیانګرو ډلو او ټپلو لخوا په ډیرې بې رحمۍ سره په قتل رسیدلي دي. ترکیه د پخوا په څیر نن ورځ هم ددې مسلې د روښانولو په خاطر د ګډ تاریخي کمیسیون د جوړولو وړاندیز کوي. ترکیې د یادې شوې مسلې او ادعاګانو د روښانولو په خاطر خپل ټول ارشیفونه د تاریخ پوهانو پر مخ پرانیستي دي. »
په خبرپاڼه کې راغلي دي چې د لومړنۍ نړۍوالې جګړې د شرایطو لاندې د وژل شوو عثماني ارمنیانو په خاطر سږ کال هم د اپریل په ۲۴ مه نیټه د استانبول په ارمني پاتریک خانه کې د ترکیې او ارمنیانو د ۸۰۰ کلنې دوستۍ او هغوې د شان سره برابر د یادښت مراسم جوړ شول.
په خبرپاڼه کې زیاته شوې ده چې امریکا ته توصیه کیږي چې نوموړو مراسمو استول شوی د ترکیې د ولسمشر رجب طیب اردوغان لخوا د عثماني ارمنیانو د لمسیانو په خطاب لیکل شوی پیغام په دقت سره مطالعه کړي. دا پیغام د ۱۹۱۵ کلونو د پيښې په اړه د ترکیې دریځ او حساسیتونه انعکاسوي. همداشان د امریکا لخوا په خپور شوي بیان کې د عام وژنې د بې بڼسټه ادعاګانو نه یادونه نه کول د نړۍوالو حقوقو او نورمونو سره سم حرکت دی.
د یادولو وړ ده چې د امریکا متحده ایالتونو ولسمشر ټرمپ د ۱۹۱۵ کلونو د پيښو د کلیزې په خاطر سږ کال هم د تیرکال په څیر د اپریل د ۲۴ مې په اړه په خپور کړي پیغام کې د یادو شوې پیښې نه د لوی فلاکت په توګه یادونه کړې ده .
