ولسمشر د اساسي قانون د تعدیل اړوند قانون توشیح کړ

د ترکیې ولسمشر رجب طیب اردوغان  د اساسي قانون په ۱۸ مادو کې  د تعدیل اړوند د ولسي جرګې لخوا  تصویب شوی  قانون  توشیح  کړ.

د ترکېې د ولسمشرۍ ماڼۍ  د مطبوعاتو د مرکز د معلوماتو له مخې  ، ولسمشر رجب طیب اردوغان  د ترکیې جمهوریت اساسي قانون په ۱۸ مادو کې د تعدیل اړوند د ولسي جرګې لخوا تصویب شوی  قانون  توشیح  او هیوادوالو سره يي د شریکولو په خاطر صدارات ته يي  ولیږه.

د ترکیې د اساسي قانون له مخې  د اساسي قانون په ۱۸ مادو کې  تعدیل  ټولپوښتنې ته  وړاندې کیږي.

د ترکیې  د لومړي وزیر مرستیال او د حکومت ویاند  نعمان کورلتولموش خبري رسنیو ته وویل « په لوی احتمال سره  چې  د اساسي قانون د تعدیل اړوند ټولپوښتنه به  د اپریل د میاشتې په ۱۶ مه نیټه  ترسره شي . »

د لومړي وزیر مرستیال  دا څرګندونې  په افیون ولایت کې  وکړې.

هغه وویل « ښاغلي ولسمشر د اساسي قانون د تعدیل اړوند  قانون  توشیح کړ. ددینه وروسته  د ټولپوښتنې  د نیټې معلومول  د ټاکنو د خپلواکې ادارې کار دی. په قوي ګمان کې  د ټاکنو خپلواکه اداره  د ټولپوښتنې لپاره د اپریل ۱۶ مه نيټه وټاکي. ځکه چې د ترکیې د اساسي قانون  له مخې  د ولسمشر لخوا د قانون د توشیح نه وروسته باید  د ۶۰ ورځو نه وروسته په لومړنۍ یکشنبې ورځ کې  ټولپوښتنه وشي. »

د یادولو وړ ده چې  اساسي قانون  تعدیل  په ټولپوښتنه کې د منل کیدو په صورت کې به د ترکیې د ملي شورا د غړیو شمیره  د ۵۵۰ تنو نه ۶۰۰ تنو ته لوړه شي. په ترکیه کې د ملي شورا د غړیتوب لپاره د نوماندۍ  عمر  د ۲۵ کلونو نه  ۱۸ کلونو ته راټیټیږي.

په ترکیه کې به  ددینه وروسته په هرو پنځو کلونو کې  یو ځل د ولسمشرۍ او پارلماني ټاکنې په یو ورځ په ګډه  ترسره کیږي.

ولسمشر کولی شي  چې د ګوند غړیتوب او مشري هم  وکړي.