د ملګروملتونو د امنیت شورا د غزې په اړه د بایدن د سولې د پلان د وړاندیز نه ملاتړ اعلان کړ
د ملګرو ملتونو امنیت شورا د امریکا د ولسمشر جو بایډن لخوا اعلان شوي درې مرحله ایز وړاندیز نه د ملاتړ په موخه مسوده چې په لومړي پړاو کې په غزه کې د سمدستي اوربند وړاندیز کوي د رایو په اکثریت سره تصویب کړ.
![د ملګروملتونو د امنیت شورا د غزې په اړه د بایدن د سولې د پلان د وړاندیز نه ملاتړ اعلان کړ](http://cdn.trt.net.tr/images/xlarge/rectangle/c840/671f/df03/664c472d948f3.jpg?time=1722045601)
د ملګرو ملتونو امنیت شورا د امریکا د ولسمشر جو بایډن لخوا اعلان شوي درې مرحله ایز وړاندیز نه د ملاتړ په موخه مسوده چې په لومړي پړاو کې په غزه کې د سمدستي اوربند وړاندیز کوي د رایو په اکثریت سره تصویب کړ.
د ملګرو ملتونو د امنیت شورا کې پدې مسودې په رای اچونه کې د امنیت شورا د ۱۵ غړیو نه ۱۴ موافقه او یواځې روسیې سپینه رای وکاروله.
پداسې حال کې چې پدې مسوده کې د غزې د ستونزې د حل لپاره د مصر، امریکا او قطر لخوا ترسره شوو ډیپلوماتیکو هڅو ته اشاره شوې، په غزه کې د اسرائیلو لخوا د اکتوبر د ۷ نیټې راهیسې د روانو بریدونو د درولو په موخه د بایدن لخوا وړاندې شوي درې مرحله ایز وړاندیز نه هر کلی شوی دی.
په پرېکړه ليک کې راغلي چې اسرائيلو د بایډن وړانديز منلی، له حماس هم غوښتل شوي چې دغه وړانديز ومني او عملي کړي.
په پریکړه کې، پدې توګه، د ۳ مرحلې وړاندیز سره سم؛ په لومړي پړاو کې سمدستي اوربند، د ښځو، زړو او ټپي بندیانو خوشې کول، د فلسطیني بندیانو تبادله، د غزې له میشتو سیمو څخه د اسرائیلي ځواکونو وتل، سیمې ته د بشري مرستو زیاتوالی، د بنسټیزو خدماتو او ودانیو بیارغونه شامل دي. د غزې د شمال په ګډون په ټوله ټرانګه کې خپلو کورونو ته د فلسطیني ملکيانو بیرته ستنیدلو ته اشاره شوې او ویل شوي چې ددوې لپاره د کورونو د بیا جوړولو په برخه کې به نړۍواله ټولنه لازمه مرسته وکړي.
د دواړو خواوو تر موافقې وروسته په دوهمه مرحله کې په پریکړه لیک کې له غزې څخه د ټولو بندیانو د وتلو غوښتنه شوې او د ټولو بندیانو د خلاصون غوښتنه شوې ده.
په پرېکړه ليک کې ويل شوي، چې په درېيم پړاو کې به د غزې د بيارغونې پلان، چې څو کاله وخت نيسي، پيل شي او د وژل شويو بنديانو جسدونه به هم ورته وسپارل شي.
په پرېکړه ليک کې ويل شوي چې که د لومړي پړاو خبرې اترې تر شپږو اوونيو زيات دوام وکړي، د خبرو اترو تر پايلې پورې به اوربند دوام وکړي او د هوکړه ليک د احکامو د رعايتولو پر اهميت ټينګار شوی او د ملګرو ملتونو د امنیت شورا او د ملګرو ملتونو له غړو څخه د ملاتړ غوښتنه شوې.
پریکړه لیک د دوو دولتونو د حل نه د ملاتړ په ترڅ کې د فلسطین تر واک لاندې د غزې تړانګې او لویدیځې غاړې د یووالي اهمیت ته اشاره شوې ده.