په انګلستان کې د ټاکلې مودې مخکې ټاکنې کیږي.
د انګلستان لومړي وزير ريشي سوناک اعلان وکړ چې د جولای په څلورمه به پارلماني ټاکنې ترسره شي.
![په انګلستان کې د ټاکلې مودې مخکې ټاکنې کیږي.](http://cdn.trt.net.tr/images/xlarge/rectangle/9bea/a099/6319/664ee2df4b8bd.jpg?time=1718871857)
په انګلستان کې د ټاکلې مودې مخکې ټاکنې کیږي.
د انګلستان لومړي وزير ريشي سوناک اعلان وکړ چې د جولای په څلورمه به پارلماني ټاکنې ترسره شي.
ريشي سوناک دا څرګندونې د کابینې د اونیزې غونډې وروسته د لومړي وزیر دفتر ، مخې ته وکړې.
سوناک خپله وینا په دې سره پیل کړه، چې هیواد یې په تیرو پنځو کلونو کې له دویمې نړیوالې جګړې (۱۹۳۹-۱۹۴۵) راهیسې له خورا سختو پړاوونو تیر شوی او وویل چې په انګلستان کې به ددې ټولو ناخوالو پر خلاف مبارزې دوام وکړي.
سوناک دې ته اشاره وکړه چې اقتصادي ثبات د ټولو بریالیتوبونو اساس دی او وویل چې د بریتانیا اقتصاد وده کوي او انفلاسیون بیرته عادي حالت ته راستون شوی دی.
هغه وویل چې په هیواد کې د سود نرخ او کچه راټیټه شوې او د حکومت پلان کار کوي . هغه وویل چې ښه پوهیږي چې دا مهال د ډیری خلکو لپاره شیان اسانه ندي.
سوناک وویل چې اوس له ملت څخه پوښتنه کوم چې "تاسو په چا باور کوئ؟"
"اوس د انګلستان لپاره ددې وخت دی چې خپل راتلونکی وټاکي. دا د دې وخت دی چې پریکړه وکړو چې ایا هغه پرمختګ غواړۍ چې مونږ کړی او که ناڅرګندي غواړۍ چې هیواد بیرته فقر پر لورې لاړ شي. ما د انګلستان له پاچا چارلس سره ولیدل، او د پارلمان د منحلولو غوښتنه مې وکړه چې د پاچا له ومنل شوه . مونږ به د جولای په څلورمه عمومي ټاکنې ترسره کړو.
سوناک ادعا وکړه چې د کارګر اصلي اپوزیسیون ګوند د انګلستان لپاره هیڅ راتلونکي پلان نلري ، او په رای ورکونکو یې غږ وکړ چې د هیواد لپاره د روښانه پلان او زړور اقدام سره ګوند غوره کړي.
د خپلې وینا په پای کې لومړي وزیر سناک استدلال وکړ چې هغه به د ټولټاکنو کمپاین په اوږدو کې د هرې رایې لپاره مبارزه وکړي، د رایې ورکوونکو باور ترلاسه کړي او یوازې د هغه په مشرۍ کې د محافظه کار ګوند حکومت به اقتصادي ثبات تضمین کړي.
اړوند خبرونه
![د امریکا ولسمشر بایدن د کډوالو په اړه خپل نوی پروګرام اعلان کړ. ۵۰۰ زرو تنو ته د امریکا تابعیت ورکوي](http://cdn.trt.net.tr/images/medium/rectangle/b6c4/67e4/c1e5/66615bc834834.jpg?time=1718871857)
د امریکا ولسمشر بایدن د کډوالو په اړه خپل نوی پروګرام اعلان کړ. ۵۰۰ زرو تنو ته د امریکا تابعیت ورکوي
د روسیې ولسمشر ولادیمیر پوتین له ۲۴ کلونو وروسته په رسمي سفر شمالي کوریا ته ولاړ.
د شمالي کوریا مشر کیم جونګ اون په هوايي ډګر کې د پوتین هرکلی وکړ.