د المان لوی درستیز: هیواد باید د ۵ نه تر ۸ کلونو پورې جګړه ته چمتو شي
په آلمان کې، چې پریکړه یې کړې چې دفاعي لګښتونه ډیر کړي، لوی درستیز کارسټن بریور وویل چې هیواد باید د ۵ څخه تر ۸کلونو پورې "جګړې ته چمتو شي".
په آلمان کې، چې پریکړه یې کړې چې دفاعي لګښتونه ډیر کړي، لوی درستیز کارسټن بریور وویل چې هیواد باید د ۵ څخه تر ۸کلونو پورې "جګړې ته چمتو شي".
هغه د ویلټ ام سونټاګ ورځپاڼې سره په خپله مرکه کې، ټینګار وکړ چې "جګړې ته چمتو کیدل" یوه پروسه ده.
هغه وویل چې " موږ لامحدود وخت نه لرو، ځکه چې د سړې جګړې له پای ته رسیدو وروسته د لومړي ځل لپاره پر مونږ د بهر نه یوه جګړه تحمیل شوې ده . کله چې تبصرو او ارزونو ته کتنه وکړو او د روسیې له خوا مونږ ته مخامخ ګواښ ته کتنه وکړو، دا پدې معنی دی چې مونږ باید لږ تر لږه د ۵ نه تر ۸ کلونو پورې خپل هیواد پوره جګړې ته چمتو کړو."
هغه د دې په ټینګار سره چې دا پدې معنی نه ده چې په دې موده به جګړه وشي، "خو دا د احتمال نه لرې خبره هم نده، ځکه چې زه یو سرتیری یم، زه وایم چې موږ باید په ۵ کلونو کې جګړې ته چمتو شو."
دوه کاله مخکې د روسیې او اوکراین تر جګړې وروسته جرمني پرېکړه وکړه چې خپل دفاعي لګښتونه ډېر کړي او د وسلو د پرمختللو سیسټمونو د پېرلو او د خپلو وسله والو ځواکونو د عصري کولو لپاره یې د ۱۰۰ میلیارده یورو ځانګړی بودیجه جلا کړه.
حکومت د امریکا نه د F-35 جنګي الوتکو، چینوک ټرانسپورټ هلیکوپترو او د اسرائیلو نه د تیر-۳ توغندي دفاعي سیسټم د رانیولو په ګډون ځیني قراردادونه لاسلیک کړي دي.
اړوند خبرونه
چین په بیجینګ کې د المان سفیر بهرنیو چارو وزارت ته احضار کړ
چین په بیجینګ کې د جرمني سفیر پاتریشیا فلور د بهرنیو چارو وزارت ته احضار کړ.