کرملین : تورکیې ته د ولادیمیر پوتین د سفر په اړه چمتوالی دوام لري

د روسیې د ولسمشرۍ ماڼۍ د کرملین ویاند دیمیتري پیسکوف ویلي چې تورکیې ته د ولسمشر ولادیمیر پوتین د سفر لپاره د چمتووالي بهیر دوام لري.

پیسکوف په پلازمېنه مسکو کې د اوسنیو مسایلو په اړه څرګندونې وکړې.

پیسکوف وویل چې تورکیې ته د پوتین د سفر لپاره د تیاریو بهیر دوام لري.

"د روسیې او تورکیې ترمنځ د لوړې کچې تماسونه د اجنډا په سر کې ځای لري او چمتو دي. د  دواړو مشرانو د لیدنې نیټې په  سر موافقې د ترسره کیدو نه وروسته به مونږ دا نیټه له تاسې سره شریکه کړو."

له بلې خوا، پیسکوف وویل چې د روسیې پوځ د سهار په ساعتونو کې د اوکراین په پلازمینه کیف او د خارکیف ښار باندې برید وکړ او یادونه یې وکړه چې دا د اوکراین د اردو لخوا ترسره شوي برید ته ځواب و چې  د اونۍ په پای کې په دونینڅک ښار ترسره شوی وو. پدې برید کې ۲۸ تنو ژوند د لاسه ورکړی وو.

پيسکوف وویل "موږ ځانګړو پوځي عملیاتو ته دوام ورکوو، خو د هغه څه برعکس چې د کیف اداره یې کوي، زموږ پوځ ټولنیز تاسیساتو، ملکي ګاونډیو او ملکي وګړو ته زیان نه رسوي. دا د کیف د حکومت سره  زموږ د پوځ توپیر دی."

د اوکراین د پوځ له خوا د تېرې اونۍ په پای کې د روسیې له خوا د دونیڅک پر ښار باندې په برید کې ۲۸ کسان ووژل شول او لږ تر لږه ۲۰ کسان ټپیان شول.

د روسیې د بهرنیو چارو وزارت پر ټولو مسؤولو حکومتونو او نړیوالو سازمانونو غږ کړی چې دغه برید وغندي.

کرملین هم دغه برید غندلی او دا یې یو «وحشیانه عمل» بللی دی.