روسیه : د امریکا دریځ په منځني ختیځ کې د کړکېچ د ژورېدو او د وضعیت د خرابېدو لامل شوی دی.
د روسیې د بهرنیو چارو وزارت ویاندې ماریا زاخارووا ویلي، د امریکا دریځ په منځني ختیځ کې د کړکېچ د ژورېدو او د وضعیت د خرابېدو لامل شوی دی.
![روسیه : د امریکا دریځ په منځني ختیځ کې د کړکېچ د ژورېدو او د وضعیت د خرابېدو لامل شوی دی.](http://cdn.trt.net.tr/images/xlarge/rectangle/1cd3/c3d3/19dd/6583e624bf3a5.jpg?time=1719104926)
د روسیې د بهرنیو چارو وزارت ویاندې ماریا زاخارووا ویلي، د امریکا دریځ په منځني ختیځ کې د کړکېچ د ژورېدو او د وضعیت د خرابېدو لامل شوی دی.
زاخارووا په پلازمینه مسکو کې د تازه مسلو په اړه په اونیزې خبري غونډه کې ارزونې وکړې.
زخارووا د غزې د تړانګې د وضعیت په اړه د امریکا د دریځ په اړه د پوښتنې په ځواب کې لاندې ارزونه وکړه:
"په دې مسله کې د امریکا د ادارې چلند د یهودو ضد ګڼل کیدی شي. اسرائیل او فلسطینیان دواړه سامي خلک یعنې د نوح ع د زوی سام اولاده ده. هر څه چې امریکا کوي د اسرائیلو او فلسطینیانو پر ضد يي کوي او دي. د سیمې په اړه د امریکا تګلاره به د دواړو خلکو د ژورو ځاني تلفاتو لامل شي. په منځني ختیځ کې به د لا ستر کړکیچ لامل کیږي. دا د عمومي وضعیت د خرابیدو او د خطرونو رامینځته کیدو لامل کیږي ، چې ممکن د سیمې راتلونکي لپاره وژونکي پایلې ولري."
زخارووا ددې پوښتنې په ځواب کې چې ایا په مینځني ختیځ کې د کړکیچ د کمیدو امکان نشته ؟ وویل ، په وروستیو کلونو کې په سیمه کې د امریکې زیاتیدونکي شتون د کړکیچ د حل لاره نه ده برابره کړې بلکې د حالاتو د لا خرابیدو سبب شوې ده. "
زخارووا د سپینې ماڼۍ د ملي امنیت شورا د ستراتیژیکو اړیکو د همغږي کوونکي جان کربي د وینا په ارزولو سره چې ویلي یې دي "په غزه کې د ملکي وګړو وژنه د اسرائیلو په پلانونو کې شامله نه ده" وویل ، دا ډول څرګندونې یواځې هغه کسان چې ادب، ضمیر، شرف ، انسانیت او حتا د قانون په اړه هیڅډول فکر ونلري کولی شي. دا څرګندونې یوازې د هغه کسانو څرګندونې دي چې وجدان او ضمیر ونلري.
اړوند خبرونه
![د امریکا ولسمشر بایدن د کډوالو په اړه خپل نوی پروګرام اعلان کړ. ۵۰۰ زرو تنو ته د امریکا تابعیت ورکوي](http://cdn.trt.net.tr/images/medium/rectangle/b6c4/67e4/c1e5/66615bc834834.jpg?time=1719104926)
د امریکا ولسمشر بایدن د کډوالو په اړه خپل نوی پروګرام اعلان کړ. ۵۰۰ زرو تنو ته د امریکا تابعیت ورکوي
د روسیې ولسمشر ولادیمیر پوتین له ۲۴ کلونو وروسته په رسمي سفر شمالي کوریا ته ولاړ.
د شمالي کوریا مشر کیم جونګ اون په هوايي ډګر کې د پوتین هرکلی وکړ.