روسیه غواړي چې د خپل پوځ د سرتیرو شمیره یو نیم میلیون تنو ته لوړه کړي.

روسیه غواړي چې د خپل پوځ د سرتیرو شمیره یو نیم میلیون تنو ته لوړه کړي.

 د روسیې د دفاع وزیر سرګي شویګو ویلي دي چې په راتلونکي کې به د بهرنیو ګواښونو په تناسب د روسیې په پوځ کې د سرتیرو شمیر یو میلیون ۵۰۰ زرو ته لوړ شي.

په پلازمېنه مسکو کې د دفاع وزارت د لوړپوړو چارواکو یوه پراخه غونډه جوړه شوه.

په دې غونډه کې د روسیې ولسمشر ولادیمیر پوتین، د دفاع وزیر شویګو او پوځي چارواکو ګډون کړی و.

شویګو دلته په خپله وینا کې د روسیې او اوکراین جګړې ته اشاره وکړه او ویې ویل:

"د ځانګړو پوځي عملیاتو له پیل څخه مخکې، د لوهانسک او دونیتڅک د خلکو جمهوریتونو د خاورې څخه پنځه برابره لویه سیمه د روسیې د پوځي ډلو لخوا آزاده شوې وه. د ټولپوښتنې په پایله کې، د ۸۳ زره  متر مربع  ۴ سیمې چې  ۵ میلیونه تنه نفوس لري  د روسیې د فدراسیون سره د یو ځای کیدو پریکړه وکړه.  د ازوف سمندر په اوبو کې "د روسیې نظامي سمندري سیمه جوړه شوې ده."

شویګو د دې ادعا په کولو سره چې د اوکراین پوځ د جون په میاشت کې د روسیې د نظامي ځواکونو په وړاندې په جګړه او بریدونو کې "جدي ځاني زیانونه" لیدلي دي.

"د پوځي عملیاتو له پیل راهیسې، د اوکراین د وسله والو ځواکونو د مړو او ټپیانو شمیر له ۳۸۳ زرو څخه اوښتې ده ، ۱۴ زره ټانکونه، پیاده او زغره وال ګاډي، ۵۵۳ الوتکې او ۲۵۹ هیلیکوپترونه، له ۵۸۰۰  څخه ډیر ملیشه او اجیر سرتیري  چې د امریکا، انګلستان او پولنډ لخوا د اوکراین لپاره کرایه شوي وو له منځه تللي دي.

شویګو د دې خبرې  په ټینګار سره چې د روسیې د پوځ د وسلو تولید دوام لري وویل چې د پوځي دفاع په ډګر کې د هغه هیواد د تولید ظرفیت څلور چنده زیات شوی دی.

شویګو یادونه وکړه چې د کال په اوږدو کې شاوخوا ۴۹۰ زره قراردادي او رضاکار سرتیري په اردو کې استخدام شوي، په اردو کې د بهرنیو "رضاکارانو" شمیر ۷ چنده زیات شوی، د اجیر جنګیالیو شمیر شپږ چنده کم شوی، او ۶۵۰ زره سرتیرو په اوکراین کې "تجربه ترلاسه کړې".

شویګو یادونه وکړه چې ولسمشر پوتین د روسیې په اردو کې د سرتیرو شمیر ۱ میلیون ۳۲۰ زرو ته د  لوړولو فرمان لاسلیک کړ.

"په راتلونکي کې به د روسیې په وسله والو ځواکونو کې د بهرنیو ګواښونو په تناسب د سرتیرو شمیر یو میلیون ۵۰۰ زرو ته لوړ شي."