پوتین : روسیه او تورکیه په لوړه کچه دوستي لري او ددې دوستۍ د لا پراختیا هوډ لري

د روسیې ولسمشر پوتین څرګنده کړه چې له تورکیې سره په لوړه کچه دوستي لري او دا دوستي  په بېلابېلو برخو کې د څو کلونو تجربو پر بنسټ ولاړه ده.

هغه وویل چې "دواړه خواوې د اړیکو د لا پراختیا لپاره قوي عزم او اراده لري."

ولادیمیر پوتین د کریملین په ماڼۍ کې په مسکو کې د تورکیې د سفیر تانژو  بلګیچ په ګډون د ۲۱ هیوادونو سفیرانو چې په روسیه کې په دندو ګمارل شوي ، د هغوی باورلیکونه ترلاسه کړل او هغوې ته مبارکي یې وویله.

پوتین دلته په خپله وینا کې د تورکیې او روسیې ترمنځ اړیکو په اړه ارزونې وکړې.

"د تورکیې سره زمونږ  دوستي  په لوړه کچه ده او په مختلفو برخو کې د ډیرو کلونو تجربو پر بنسټ ولاړه ده. دواړه خواوې د ښه ګاونډیتوب، دوستۍ او متقابلو ګټو د اصولو پر بنسټ د اړیکو د لا پراختیا لپاره هوډمن دي."

پوتین د دې په بیانولو سره چې هغه له ولسمشر رجب طیب اردوغان سره په دوامداره توګه په تماس کې دی، وویل چې په دغو تماسونو کې د دوه اړخیزو اړیکو په ټولو مهمو مسایلو خبرې کیږي. پوتین وویل:

"زه غواړم په ځانګړې توګه دې ته اشاره وکړم چې د انرژۍ په برخه کې د روسیې او تورکیې همکاري واقعیا ستراتیژیکه ده. د روسیې د اټومي انرژۍ اداره  د تورکیې د اق کویو کې د لومړي اټومي بټۍ جوړولو ته دوام ورکوي. د بلو ستریم  او تورک ستریم د ګازو نللیکې د فعالیت ساحه "په تورکیه کې د طبیعي ګاز د توزیع د مرکز د جوړولو هڅې روانې دي. موږ د سوداګرۍ او لوړې ټیکنالوژۍ په برخو کې ډیرې په زړه پورې پروژې او ګډ کار هم لرو.