هند د یو جګپوړي‌ کاناډايي ډیپلوماټ د شړولو پریکړه وکړه.

هند د یو جګپوړي‌ کاناډايي ډیپلوماټ د شړولو پریکړه وکړه.

د هند حکومت پدې هیواد کې د کاناډا عالي کمیشنر بهرنیو چارو وزارت ته احضار کړ او هغه ته يي  د کاناډايي ډیپلوماټ د شړولو په اړه د هند د حکومت د پریکړې په اړه  خبر ورکړ.  د هند حکومت نوموړي‌ کاناډايي  دیپلومات څخه   د راتلونکو پنځو ورځو په دننه کې له هند څخه  د وتو غوښتنه کړې ده .

 د هند د بهرنیو چارو وزارت ویلي دي‌ چې دا پریکړه زموږ په کورنیو چارو کې د کاناډایي ډیپلوماټانو د لاسوهنې او د هند ضد فعالیتونو کې د هغوی د ښکیلتیا په اړه د هند د حکومت مخ په زیاتیدونکي اندیښنه څرګندوي.

د ویلو ده چې د کاناډا حکومت د هند حکومت پدې هیواد کې د سکانو د مشر کاناډايي الاصله هردیپ سنګ نیجار د وژلو په پیښه کې په لاس لرولو تورن کړ.

د کاناډا حکومت ویلي‌ دي‌ هردیپ سنګ نیجار  چې  د سکانو مشري‌ په غاړه درلوده او په هند کې د سکانو د خپلواکۍ ملاتړی وو د روان کال د جون په میاشت کې ددې هیواد د برتش کولمبیا په ایالت کې د معبد په مخکې ووژل شو.

د کاناډا حکومت د هند حکومت د نوموړي‌ په وژلو کې په لاس لرولو تورن کړی دی.

د کاناډا لومړي‌‌ وزیر جاستین تروډو هم ویلی دي‌ چې باور‌ي ادعاګانې شتون لري‌ چې د هردیپ سنګ نیجار په وژلو کې د هند حکومت لاس لري.

د کاناډا د حکومت او لومړي‌ وزیر دې څرګندونو د هند سخت غبرګون پارولی دی.