جو بایدن : ممکن د پریګوجین د الوتکې د سقوط ترشا د پوتین لاس وي
د امریکا ولسمشر جو بایډن د روسیې د واګنر اجیر ځواکونو د مشر پریګوجین د الوتکې د سقوط پړه په غیرې مسقیم توګه د روسیې پر ولسمشر پوتین واچوله.
![جو بایدن : ممکن د پریګوجین د الوتکې د سقوط ترشا د پوتین لاس وي](http://cdn.trt.net.tr/images/xlarge/rectangle/c15f/44bc/7766/64e70864d4651.jpg?time=1718918728)
د امریکا ولسمشر جو بایډن د روسیې د واګنر اجیر ځواکونو د مشر پریګوجین د الوتکې د سقوط پړه په غیرې مسقیم توګه د روسیې پر ولسمشر پوتین واچوله. هغه اشاره وکړه چې د روسیې ولسمشر ولادیمیر پوتین ممکن په روسیه کې د پریګوجین د شخصي الوتکې د غورځیدو تر شا لاس ولري.
بایډن په کلیفورنیا کې د خبریالانو پوښتنو ته ځوابونه وویل.
د امریکا ولسمشر د روسیې پلازمېنې مسکو ته څېرمه د روسیې د واګنر اجیر ځواکونو د مشر پریګوجین د خصوصي الوتکې د غورځېدو په اړه د ارزونې په ترڅ کې وویل:
"زه نه پوهیږم چې څه پیښ شوي، مګر زه حیران نه یم."
بایډن، اشاره وکړه چې ممکن د روسې ولسمشر پوتین ممکن د نوموړې الوتکې په غورځیدو کې لاس ولري. هغه وویل چې ،
"په روسیه کې داسې ډیرې پیښې شتون نلري چې پوتین یې تر شا نه وي. خو د پېښې په شاليد پوهیدو په اندازه کافي معلومات نلرم."
د ویلو ده چې پرون د روسېې د واګنر اجیر ځواکونو د مشر پریګوجین شخصي الوتکه د روسیې له پلازمینې مسکو څخه سینټ پیټرزبرګ ښار ته روانه وه چې په تورو سیمه کې سقوط وکړ. پدې پیښه کې د پریګوجین او ۳ پیلوټانو په ګډون ۱۰ تنو ژوند د لاسه ورکړ . روسیې دا پیښه تایید کړه او وویل چې پریګوجین هم پدې پیښه کې ژوند د لاسه ورکړی دی.
اړوند خبرونه
![د امریکا ولسمشر بایدن د کډوالو په اړه خپل نوی پروګرام اعلان کړ. ۵۰۰ زرو تنو ته د امریکا تابعیت ورکوي](http://cdn.trt.net.tr/images/medium/rectangle/b6c4/67e4/c1e5/66615bc834834.jpg?time=1718918728)
د امریکا ولسمشر بایدن د کډوالو په اړه خپل نوی پروګرام اعلان کړ. ۵۰۰ زرو تنو ته د امریکا تابعیت ورکوي
د روسیې ولسمشر ولادیمیر پوتین له ۲۴ کلونو وروسته په رسمي سفر شمالي کوریا ته ولاړ.
د شمالي کوریا مشر کیم جونګ اون په هوايي ډګر کې د پوتین هرکلی وکړ.