د روسېې د واګنر اجیر ځواکونو مشر پریګوجین د الوتکې په سقوط کې ووژل شو
د روسیې د واګنر اجیر ځواکونو مشر او بڼسټ ایښودونکی پریګوجین د الوتکې د سقوط په پیښه کې ژوند د لاسه ورکړ.
![د روسېې د واګنر اجیر ځواکونو مشر پریګوجین د الوتکې په سقوط کې ووژل شو](http://cdn.trt.net.tr/images/xlarge/rectangle/8280/dc69/df35/64e67221286cd.jpg?time=1718940491)
د روسیې د واګنر اجیر ځواکونو مشر او بڼسټ ایښودونکی پریګوجین د الوتکې د سقوط په پیښه کې ژوند د لاسه ورکړ.
د روسېې د واګنر اجیر ځواکونو د مشر ایوګني پریګوجین شخصي الوتکې د روسیې پلازمینې مسکو ته نږدې سقوط وکړ.
د روسیې د هوانورۍ فدرال ادارې ویلي دي چې په سقوط شوي الوتکه کې لس تنو ژوند د لاسه ورکړی دی چې د واګنر ځواکونو مشر پریګوجین هم پکې شامل دی.
نوموړې ادارې لخوا په شوو څرګندونو کې ویل شوي دي چې د Embraer ERJ-135BJ ډوله شخصي الوتکه د روسیې د واګنر اجیر ځواکونو مشر ایوګیني پریګوجین پورې اړه لري، د روسیې له پلازمینې مسکو څخه سینټ پیټرز ته روانه وه ، مسکو ته نږدې سقوط وکړ. الوتکه په تورور سیمه کې ولویده. په پېښه کې د ۳ پیلوټانو په ګډون ۱۰ تنو خپل ژوند له لاسه ورکړ. په څرګندونو کې راغلي دي چې پریګوجین هم د الوتکې د مسافرینو په لیست کې شامل دی. د روسیې د هوايي چلند فدرال ادارې ویلي دي چې "د الوتکې د غورځیدو په اړه تحقیقات پیل شوي . د مسافرینو په لیست کې د ایوګیني پریګوجین نوم او تخلص شتون لري." د روسیې د بیړنیو حالاتو وزارت لخوا په خپره شوې خبرپاڼه کې راغلي دي: «د پریګوجین الوتکې د مسکو د سینټ پیټرس ښار د شیرمیتیوو هوايي ډګر څخه الوتنه وکړه. په الوتکه کې ټولټال ۱۰ کسان سپاره وو، چې ۳ یې د الوتکې پرسونل وو،» ویل کیږي الوتکې له الوتنې نیم ساعت وروسته سقوط وکړ. د واګنر اجیر ځواکونه چې د روسیې او اوکراین په جګړه کې ډیر مهم رول په غاړه درلود، د جون په ۲۳ نیټه يي د روسې د پوځ او حکومت پر خلاف بغاوت پیل کړ او د روسیې پوځ یې د واګنر په کمپونو د برید په تنظیمولو تورن کړ. د واګنر جنګیالیو د پریګوجین په امر د روسیې په سویل کې له روستوف څخه پلازمینې مسکو ته وسله وال مارچ پیل کړ. پریګوجین، چې د روسیې د دفاع وزیر سرګي شویګو او د روسیې د لوی درستیز والري ګیراسیموف د استعفا غوښتنه یې کړې وه، د بیلاروس د ولسمشر الکساندر لوکاشینکو په منځګړیتوب ۲۴ ساعته وروسته بغاوت پایته ورسو. د کرملین ماڼۍ اعلان وکړ چې د بغاوت وروسته به په روسیه کې د واګنر فعالیتونه پای ته ورسیږي او د واګنر جنګیالي به په بیلاروس کې په یوه اډه کې ځای پرځای شي.
د ویلو ده چې د واګنر ځواکونو مشر پریګوجین ددې پيښې نه وروسته د لومړي ځل لپاره په روانه اونۍ کې یو ویدیويي پیغام خپور کړ. شننونکو ویل چې نوموړي دا ویدیو په افریقا کې ثبت کړې ده .
اړوند خبرونه
![د امریکا ولسمشر بایدن د کډوالو په اړه خپل نوی پروګرام اعلان کړ. ۵۰۰ زرو تنو ته د امریکا تابعیت ورکوي](http://cdn.trt.net.tr/images/medium/rectangle/b6c4/67e4/c1e5/66615bc834834.jpg?time=1718940491)
د امریکا ولسمشر بایدن د کډوالو په اړه خپل نوی پروګرام اعلان کړ. ۵۰۰ زرو تنو ته د امریکا تابعیت ورکوي
د روسیې ولسمشر ولادیمیر پوتین له ۲۴ کلونو وروسته په رسمي سفر شمالي کوریا ته ولاړ.
د شمالي کوریا مشر کیم جونګ اون په هوايي ډګر کې د پوتین هرکلی وکړ.