د اوکراین له خوا د روسیې پر خاوره د بې پیلوټه الوتکو بریدونه دوام لري.
اوکراین د روسیې اړوند یوه بم غورځوونکې الوتکه له منځه یوړه
![د اوکراین له خوا د روسیې پر خاوره د بې پیلوټه الوتکو بریدونه دوام لري.](http://cdn.trt.net.tr/images/xlarge/rectangle/3c85/017c/a3e1/64e3d6c5db44d.png?time=1718988097)
د اوکراین له خوا د روسیې پر خاوره د بې پیلوټه الوتکو بریدونه دوام لري. د اوکراین لخوا نن سهار د روسیې په کالوګا سیمه کې د سولتسي-۲ پوځي اډې باندې د بې پیلوټه الوتکې برید وشو. اوکرایني لوري ویلي چې په دغه برید کې یوه Tu-22 ډوله بم غورځوونکې الوتکه له منځه وړې خو ، روسیې بیا اعلان کړی چې یوه الوتکه یې لږ زیانمنه شوې ده. په ټولنیزو رسنیو کې په خپرو شویو عکسونو کې لیدل کېږي چې د برید پر مهال یوه الوتکه د اور په لمبو کې سوځي .
د اوکراین د پوځ د استخباراتو ویاند اندري یوسوف وویل: «لږترلږه یوه روسي الوتکه له منځه وړې ده. هغه وویل، «د تل په څیر، د روسیې رژیم هڅه کوي چې د زیان او اصلي زیان کچه پټه کړي.
یوسوف وویل چې د اوکراین د استخباراتو افسران په بریالیتوب سره خپلو دندو ته ادامه ورکوي او زیاته یې کړه چې د تل په څیر زموږ د استخباراتو کارکوونکي د تیري کوونکي دولت په وړاندې خپلو دندو ته ادامه ورکوي.
د روسيې د دفاع وزارت له خوا په خپره شوې خبرپاڼه کې د نوموړي برید په اړه ویلي دي ، چې بريد د چورلکې ډول بې پیلوټه الوتکې سره شوی دی. نوموړې الوتکه چې د هوايي حريم د څارنې پوستې له خوا کشف شوې وه سپکې وسلې سره وويشتل شوه." په برید کې یوه الوتکه زیانمنه شوې، د تروریستي عمل په پایله کې هیڅ ډول ځاني زیان نه دی رسیدلی" په بیان کې ویل شوي چې د هوایی اډې په پارکینګ رامنځته شوې اورلګیدنه د اور وژونکو لخوا مړه شوه.
روسیه په مکرر ډول د اوکراین په خاوره کې په بمباریو کې Tu-22 سوپرسونیک بم غورځوونکو الوتکو څخه استفاده کوي.
اړوند خبرونه
![د امریکا ولسمشر بایدن د کډوالو په اړه خپل نوی پروګرام اعلان کړ. ۵۰۰ زرو تنو ته د امریکا تابعیت ورکوي](http://cdn.trt.net.tr/images/medium/rectangle/b6c4/67e4/c1e5/66615bc834834.jpg?time=1718988097)
د امریکا ولسمشر بایدن د کډوالو په اړه خپل نوی پروګرام اعلان کړ. ۵۰۰ زرو تنو ته د امریکا تابعیت ورکوي
د روسیې ولسمشر ولادیمیر پوتین له ۲۴ کلونو وروسته په رسمي سفر شمالي کوریا ته ولاړ.
د شمالي کوریا مشر کیم جونګ اون په هوايي ډګر کې د پوتین هرکلی وکړ.