په برازیل کې د نشه يي توکو د قاچاقبرانو پر خلاف په عملیاتو کې ۴۳ تنه وژل شوي دي.
په برزیل کې د نشه يي توکو د قاچاقبرانو پر خلاف په عملیاتو کې په لسګونو تنه وژل شوي دي
په برازیل کې د نشه يي توکو د قاچاقبرانو پر خلاف په عملیاتو کې ۴۳ تنه وژل شوي دي.
د برازیل په ریو دی جنیرو، ساو پاولو او باهیا ایالتونو کې د پولیسو لخوا د نشه يي توکو د قاچاقبرانو پر خلاف په عملیاتو کې لږ تر لږه ۴۳ تنه وژل شوي دي.
د راپور له مخې، د برازیل پولیسو اعلان کړی چې په ریو دي جنیرو ښار کې د نشه یي توکو قاچاقبرانو پر ضد د عملیاتو په ترڅ کې لس تنه وژل شوي دي.
ویل شوي، چې په ښار کې په ترسره شوو عملیاتو کې په وژل شوو لسو تنو کې د نشه یي توکو د قاچاق وړونکو ډلې مشر هم شامل دی.
همداشان د ساو پاولو په ایالت کې د نشه يي توکو د قاچاقبرانو پر خلاف په عملیاتو کې چې ۵ ورځې دوام وکړ د پولیسو په ګډون ۱۴ تنه وژل شوي او د هیواد په شمال ختیځ بهیا ایالت کې ۱۹ شکمن کسان له منځه وړل شوي دي.
د ډال په نامه په عملیاتو کې، چې د ساو پاولو په ساحلي ښارګوټو کې د پولیسو د ځانګړو ځواکونو د یوه افسر له وژل کېدو وروسته پیل شول، پولیسو ۵۸ کسان نیولي او ۳۸۵ کیلوګرامه نشه يي توکي یې ترلاسه کړي دي.
د برازیل د عدلیې وزیر فلاویو ډینو په ګاروجا کې په ترسره شوو عملیاتو سخته نیوکه کړې او ویلي دي چې د پولیسو عکس العمل د ترسره شوي جرم سره متناسب نه و.
اړوند خبرونه
د امریکا ولسمشر بایدن د کډوالو په اړه خپل نوی پروګرام اعلان کړ. ۵۰۰ زرو تنو ته د امریکا تابعیت ورکوي
د روسیې ولسمشر ولادیمیر پوتین له ۲۴ کلونو وروسته په رسمي سفر شمالي کوریا ته ولاړ.
د شمالي کوریا مشر کیم جونګ اون په هوايي ډګر کې د پوتین هرکلی وکړ.