په چین کې په یو رستورانت کې د ګازو د چاودنې له امله په لسګونو تنو ژوند د لاسه ورکړ.
په چین کې چاودنې په لسګونو تنو ته مرګ ژوبله واړوله
![په چین کې په یو رستورانت کې د ګازو د چاودنې له امله په لسګونو تنو ژوند د لاسه ورکړ.](http://cdn.trt.net.tr/images/xlarge/rectangle/b518/a03a/5099/6493c0dbbea52.png?time=1718746959)
په چین کې په یو رستورانت کې د ګازو د چاودنې له امله په لسګونو تنو ژوند د لاسه ورکړ.
د چين د دولتي خبري اژانس د شينهوا اژانس د خبر له مخې، پرون چارشنبې د شپې په ساعتونو کې د چين په شمال لويديځ نينګ شيا سيمه کې د ( باربي کيو ) یا کباب په يوه رستورانت کې د ګازو د چاودنې له امله ۳۱ تنو ژوند د لاسه ورکړی دی.
د شينهوا اژانس د خبر له مخې، پدې پيښه کې ۷ تنه نور د سوځېدو او د ماتو شوو شیشو له امله ټپیان شوي دي چې تر درملنې لاندې دي. ویل کیږي د ټپيانو روغتیايي حالت هم د اندیښنې وړ دی.
د بله پلوه ځینو نورو راپورونو کې بیا راغلي دي چې کیدای شي د مړو شمیره ۳۸ تنو ته لوړه شي.
د چین ولسمشر شي جين پينګ چارواکو ته د ټپيانو د درملنې لپاره لازمې لارښونې کړي دي. په چین کې د کار د امنیت او خوندیتوب په اړه د ټولو هلو ځلو سره سره بیا هم وخت نا وخته دا ډول پیښې رامنځته کیږي .د ویلو ده چې په ۲۰۱۵ کال کې د چین د تیانجین په شمالي بندري ښار کې یو لړ چاودنو ۱۷۳ تنو ژوند د لاسه ورکړی وو.