په کاناډا کې د یوې ټرافیکي پيښې له امله ستره فاجعه رامنځته شوه.
په کاناډا کې د ټرافیکې پیښې په نتیجه کې په لسګونو تنو ته مرګ ژوبله اوښتې
په کاناډا کې د یوې ټرافیکي پيښې له امله ستره فاجعه رامنځته شوه.
د سیمه ییزو چارواکو په وینا، دا پيښه د پنجشنبې په ماسپښین د کاناډا د مانیټوبا ولایت په یوه کلیواله برخه کې یوه لارۍ له یوه بس سره چې د ډیر عمر لرونکي کسان یې لېږدول، د ټکر له امله لږ تر لږه ۱۵ کسان مړه شوي دي.
د کاناډا د شاهي پولیسو افسر روب لاسن په یوه خبري کنفرانس کې وویل بس د سویل په ۵ لویه لار د کاربیري ښارګوټي ته نږدې د کاسینو په لور روان و چې د لارۍ سره وجنګید.
پولیسو افسر وویل چې د پیښې قربانیانو ټولو د پيښې په ځای کې ژوند د لاسه ورکړی وو.
چارواکو ویلي پدې پيښه کې د ۱۵ تنو د وژل کیدو سربېره ۱۰ تنه نور ټپیان شوي دي چې روغتون ته انتقال شوي دي. لاسن وویل، په ټپیانو کې چې درملنه کیږي د لارۍ او بس چلوونکي هم شامل دي.
دولس امبولانسونه او یو هم امبولانس چورلکه د پیښې ځای ته رارسیدلي وو.
چارواکیو ویلي دي مانیټوبا سیمې تر دې د مخه د داسې خونړۍ پیښې شاهدي نه وه کړې.
کمشنر روب هیل په وینا، په بس کې ډیری هغه کسان وو چې د داوفین ښار او شاوخوا کې اوسیدل.
د کاناډا لومړي وزیر جاستین ټروډو د دې پيښې په اړه ژور خپګان ښودلی او د خواخوږي يي څرګنده کړې ده .
اړوند خبرونه
په هالنډ کې د اسلام په اړه د خلکو لیوالتیا ډیره شوې
په هالنډ کې په زرګونو تنو د هالنډي ترجمې سره قرانکریم وویشل شول