د کډوالو په اړه د جرمني د لومړي وزیر څرګندونو سخت غبرګون پارولی دی
د مدیترانې له لارې آلمان ته د غیرقانوني مهاجرو د تګ په اړه د آلمان د لومړي وزیر اولاف شولز "ټوکه" په ټولنیزو رسنیو کې تر سختو نیوکو لاندې راغلې.
د مدیترانې له لارې آلمان ته د غیرقانوني مهاجرو د تګ په اړه د آلمان د لومړي وزیر اولاف شولز "ټوکه" په ټولنیزو رسنیو کې تر سختو نیوکو لاندې راغلې.
شولز په هغه غونډه کې چې په نورمبرګ کې د پروټسټنټ کلیسا لخوا جوړه شوې وه کډون وکړ. هغه دلته په خپله وینا کې د کډوالۍ او کډوالو پالیسۍ په اړه یې ارزونې وکړې.
شولز د دې په بیانولو سره وویل ، سره ددې چې آلمان د اروپایی اتحادیې په بهرنۍ پوله کې پروت یو هیواد نه دی، خو بیا هم د پناه غوښتنې تر ټولو ډیر غوښتنلیکونه لري. شولز وویل چې آلمان ته ډیری غیرقانوني مهاجرین د اروپايي اتحادیې په نورو هیوادونو نه راځي چې هغه نه راجستر کیږي.
شولز آلمان ته د تلونکو غیرقانوني مهاجرو لوړ شمیر ته په اشارې سره وویل:
"ما دا ټوکه مخکې د اروپا په شورا کې کړې وه. داسې ښکاري چې المان په مدیترانې کې لوی ساحل لري. ځکه، د هغو هېوادونو له مخې چې د مدیترانې په سمندرګي کې پراته دي، ډېری کډوال چې د مدیترانې له لارې اروپا ته راځي مستقیم جرمني ته راځي."
د آلمان د لومړي شولز دې خبرې ، چې د "ټوکې" په توګه بیان کړې، په ټولنیزو رسنیو کې غبرګونونه راپارولي دي.
د آلمان غیر دولتي سازمان سی واچ، چې په مدیترانه کې د بېړیو په واسطه د غیرقانوني مهاجرینو د ژغورنې لپاره کار کوي، په ټویټر کې په یوه پوسټ کې پر شولز نیوکه کړې،
"یوازې په ۲۰۲۳ کې په مدیترانې کې له ۱۱۱۵ څخه ډیر کسان خپل ژوند د لاسه ورکړی دی. دا یوه بده ټوکه ده چې لومړی وزیر یې په ذهن کې لري. هر هغه څوک چې د نورو په غمونو خنډا کوي هغه د هیواد مشري کولې نشي.
د مسیحي دیموکراتیک اتحاد ګوند غړي ماتیاس هاور هم ویلي چې د آلمان لومړی وزیر باید د نورو په دردونو ملنډې ونه وهي.
د سوسیال دیموکراتیک ګوند غړې لیلی بوډزون وویل: "یو سوسیال دیموکراتیک مشر باید هیڅکله د خلکو په اړه داسې خبرې ونه کړي."
اړوند خبرونه
د امریکا ولسمشر بایدن د کډوالو په اړه خپل نوی پروګرام اعلان کړ. ۵۰۰ زرو تنو ته د امریکا تابعیت ورکوي
د روسیې ولسمشر ولادیمیر پوتین له ۲۴ کلونو وروسته په رسمي سفر شمالي کوریا ته ولاړ.
د شمالي کوریا مشر کیم جونګ اون په هوايي ډګر کې د پوتین هرکلی وکړ.
