د اذربایجان او ارمنستان پر پوله د ارمني ځواکونو په برید کې د اذربایجان د پوځ درې سرتېري ووژل شول.
ارمني ځواکونو د اذربایجان د پوله ساتو پر پوستو بریدونه کړي
د اذربایجان او ارمنستان پر پوله د ارمني ځواکونو په برید کې د اذربایجان د پوځ درې سرتېري ووژل شول.
د اذربایجان د دفاع وزارت لخوا په خپره شوې خبرپاڼه کې ویل شوي چې د ګورس ولایت د دیګ په سیمه کې میشتو ارمني سرتیرو د لاچین په لور د اذربایجان په پوستو بریدونه کړي دي.
په خبرپاڼه کې راغلي دي چې د ارمنستان د پوځ د ډزو په پایله کې ۳ تنه اذربایجاني سرتیري شهیدان شوي دي.
همداشان د اذربایجان پوځ هم په ځوابي برید کې د ارمنستان پوځ ته د پام وړ زیان اړولی دی.
د یادونې وړده چې په سیمه کې وضعیت د اذربایجان د پوځ تر کنټرول لاندې دی.
د ارمنستان د رسنیو د خبر له مخې د ارمنستان او اذربایجان په پوله کې په رامنځته شوې جګړه کې د ارمنستان پوځ ته مرګ ژوبله اوښتې ده.
اړوند خبرونه
په هالنډ کې د اسلام په اړه د خلکو لیوالتیا ډیره شوې
په هالنډ کې په زرګونو تنو د هالنډي ترجمې سره قرانکریم وویشل شول
