امریکا د خپل افشا شوو مهمو محرم اسنادو د افشا کولو سرچینه لټوي چې د چا لخوا افشا شوي دي
امریکايي چارواکي، د اوکراین د جګړې نه نیولې تر چین، منځني ختیځ، اسرائیل استخباراتو او افریقا پورې ډیر مهم محرم اسناد په انټرنټ کې د خپریدو په اړه ګمان کوي دا کار پخپله د یوه امریکايي لخوا شوی وي.
![امریکا د خپل افشا شوو مهمو محرم اسنادو د افشا کولو سرچینه لټوي چې د چا لخوا افشا شوي دي](http://cdn.trt.net.tr/images/xlarge/rectangle/0c53/43e4/60bb/642ed6125e2ae.jpg?time=1718863730)
امریکايي چارواکي، د اوکراین د جګړې نه نیولې تر چین، منځني ختیځ او افریقا پورې ډیر مهم محرم اسناد په انټرنټ کې د خپریدو په اړه ګمان کوي دا کار پخپله د یوه امریکايي لخوا شوی وي.
د امریکا د دفاع وزارت یوه پخواني جګپوړي چارواکي، مایکل موري رویټرز ته وویل، "اوس مهال تمرکز دا مهم محرم اسناد پخپله په امریکا کې انټرنټ ته د خپریدو په احتمال دی، ځکه چې په انټرنټ کې نشر شوي ډېری اسناد هغه اسناد دي چې یوازې د امریکا په لاس کې دي."
امریکايي چارواکو ویلي چې تحقیقات لا هم په ابتدايي پړاو کې دي او هغه څوک چې تحقیقات ترسره کوي دا احتمال نه ردوي چې د دې اسنادو د افشا کولو تر شا دې د روسیې ملاتړي عناصر لاس ولري.
د یادولو وړ ده چې په ۲۰۱۳ کال کې له ۷۰۰۰۰۰ څخه زیات اسناد، ویډیوګانې او ډیپلوماټیک ټیلیګرامونه په ویکي لیکس کې د خپریدو نه وروسته دا لومړی ځل دی چې پدې اندازه زیات او مهم محرم اسناد انټرنټ ته غورځیږي.
د بله پلوه د سویلي کوریا د ولسمشرۍ ماڼۍ ویلي دي ، ددې خبرې د معلومیدو په صورت کې چې د امریکايي چارواکیو لخوا پټ او محرم اسناد افشا شوي دي ، د امریکا له ولسمشر به وغواړي چې پدې اړه لازم اقدامات وکړي.
همداشان سویلي کوریا ولسمشرۍ ماڼۍ ویلي دي چې ددې خبرې بررسي باید د چارو په لومړیتوب کې ځای ولري او د دریم کس لخوا ددې کار د ترسره کیدو احتمال هم له پامه باید ونه غورځول شي.
اړوند خبرونه
![د امریکا ولسمشر بایدن د کډوالو په اړه خپل نوی پروګرام اعلان کړ. ۵۰۰ زرو تنو ته د امریکا تابعیت ورکوي](http://cdn.trt.net.tr/images/medium/rectangle/b6c4/67e4/c1e5/66615bc834834.jpg?time=1718863731)
د امریکا ولسمشر بایدن د کډوالو په اړه خپل نوی پروګرام اعلان کړ. ۵۰۰ زرو تنو ته د امریکا تابعیت ورکوي
د روسیې ولسمشر ولادیمیر پوتین له ۲۴ کلونو وروسته په رسمي سفر شمالي کوریا ته ولاړ.
د شمالي کوریا مشر کیم جونګ اون په هوايي ډګر کې د پوتین هرکلی وکړ.