شمالي کوریا د امریکا او سویلي کوریا لخوا د ګډو پوځي تطبیقاتو نه مخکې پوځي تطبیقات پيل کړل

پداسې حال کې چې د شمالي کوریا او د امریکا - سویلي کوریا-جاپان اتحاد ترمینځ تاوتریخوالي  د کوریا ټاپو وزمه او شاوخوا سیمو امنیت ته ستر ګواښ مخامخ کړی دی د پیونګ یانګ  ادارې لخوا نوي پوځي اقدام انديښنې لا پسې ډیرې کړي دي.

د شمالي کوریا د توپچي واحدونو دښمن ته د خپل قوت د ښودولو، د جګړې مختلف سناریوګانو ته د بشپړ چمتوالي نیولو، د جګړې سناریو ته په تمرکز کولو سره په جګړه کې نوو نوښتونو د امتحانولو په خاطر د توپخانې ډزو تطبیقات ترسره شول.

د دغه هېواد مشر کیم جونګ اون چې له خپلې لور کیم جو اېن سره یې په سیمه کې د تطبیقاتو  څارنه کوله، د دښمن د جنګیالیو د تیاریو په وړاندې د هوښیارتیا پر اهمیت او د دفاعي توان د برید د خطر پر وړاندې د ځانونو په لا پیاوړتیا  ټینګار وکړ.

کیم د لویدیځې جبهې په لور د دښمن عملیاتي هوایی ډګر د په نښه کولو" په دنده  ګمارل شوي  بلوک د جګړې د مداخلې توان هم تفیش کړ .

د بله پلوه داسې ښکاري چې شمالي کوریا د  امریکا او سویلي کوریا د ګډو پوځي تمریناتو په ترڅ کې چې د دوشنبې په ورځ به په سیمه کې پیلیږي، د توغندیو نوې ازموینې ترسره کړي.

د جنوبي کوریا پوځ پرون اعلان وکړ چې شمالي کوریا پرون د ژیړ سمندرګي په لور د لنډ واټن ویشتونکی بالستیک توغندی توغولی دی.