د روسیې لخوا د امریکا په اړه ډیره مهمه ادعا وشوه
روسیې ادعا وکړه چې امریکا متحده ایالتونه په اوکراین کې د زهرجن کیمیاوي موادو په کارولو سره د پاروونکو اقداماتو پلان لري.
روسیې ادعا وکړه چې امریکا متحده ایالتونه په اوکراین کې د زهرجن کیمیاوي موادو په کارولو سره د پاروونکو اقداماتو پلان لري.
د روسیې د وسله والو ځواکونو د وړانګو، کیمیاوي او بیولوژیکي دفاعي ځواکونو قوماندان ایګور کیریلوف خبري غونډې ته وویل چې د امریکا یوې نفوذي غیر دولتي موسسې د فبرورۍ په ۲۲مه په پلازمېنه مسکو کې په اوکراین د پېښو په اړه یو کنفرانس جوړ کړ.
کریلوف دې ته اشاره وکړه چې په مسکو کې د امریکا پخواني سفیر جان سلیوان په دې کنفرانس کې وینا وکړه.
"سولیوان دلته په یوه بیان کې وویل چې روسي ځواکونه په پام کې لري چې د ځانګړو پوځي عملیاتو په ساحه کې کیمیاوي وسلې وکاروي. موږ دا معلومات د امریکا او د هغې د ملګرو لخوا زهرجن کیمیاوي توکو د کارولو د ارادې په توګه په پام کې نیسو چې غواړي د اوکراین په ختیځ کې یو پاروونکی عمل ترسره کړي."
کریلوف وویل چې ددې پارونکي اقدام لپاره وار د مخ چمتوالی نیول شوی دی.
"د فبرورۍ په لسمه په یوه ریل ګاډي کې چې بهرني وګړي هم پکې سپاره ول کیمیاوي مواد د اوکراین د کریماتورسک ښار ته ورسول شول. دغه واګون د کریماتورسک د فلزاتو د فابریکې کوبیشیف ته راوړل شوی و. دغه کیمیاوي مواد د اوکراین د حکومت تر کنټرول لاندې له واګون څخه راوایستل شول. په واګون کې ۱۶ مهر شوي بکسونو شتون درلود . د اوکراین چارواکو وویل، په نیمایي صندوقونو یې د کیمیاوي خطر نښه، د BZ لیکنه، او سور دوه کرښه نښه وه.
کریلوف وویل چې دا کیمیاوي BZ په انسانانو کې د ګډوډۍ ، حافظې ضعف او روحي او دماغي ناروغیو لامل کیږي. کریلوف په ګوته کړه چې د نوموړې مادې کارول د کیمیاوي وسلو کنوانسیون سره سم منع شوي دي.
