په تاجکستان کې د واورو ښوېدو له امله د مړو شمېر ۱۷ ته لوړ شو.
په تاجکستان کې د واورې ښویدنې پیښو ګنشمیر ځاني زیانونه رامنځته کړي دي
![په تاجکستان کې د واورو ښوېدو له امله د مړو شمېر ۱۷ ته لوړ شو.](http://cdn.trt.net.tr/images/xlarge/rectangle/159f/3878/427c/63ef2a819216f.jpg?time=1718724741)
په تاجکستان کې د واورو ښوېدو له امله د مړو شمېر ۱۷ ته لوړ شو.
د تاجکستان د بېړنیو حالاتو د کمېټې له لوري په خپره شوې خبرپاڼه کې ویل شوي، چې په وروستیو ورځو کې د دغه هېواد په غرنیو سیمو کې د واورې ښوېدو له امله د وژل شویو کسانو شمېر ۱۷ تنو ته لوړ شوی دی.
په اعلاميه کې ويل شوي دي چې له وژل شويوکسانو څخه ١٦ تنه د بدحشان په خودمختاره غرنیزه سيمه کې او يو تن د دوشنبي-چانک په لويه لاره د واورې د ښویدو له امله ژوند د لاسه ورکړی دی.
په اعلامیه کې ویل شوي دي چې په وروستیو ورځو کې د واورې ښویدنې نږدې سل پیښې رامنځ ته شوي او خطر لاهم دوام لري. یادونه شوې چې د ناورین په سیمه کې د لټون او ژغورنې ډلې کار ته دوام ورکوي.په اعلاميه کې ويل شوي چې د دوشنبي – چانک د لويې لارې په ګډون ځينې لويې لارې چې پلازمېنه دوشنبه د هېواد له شمال سره نښلوي، د واورې ښوېدنې له امله د ترافيکو پر مخ تړل شوې دي.
د تاجکستان چارواکو پرون خبر ورکړ چې د دغه هېواد په غرنیو سیمو کې د واورې ښوېدو له امله ۱۳ کسان مړه او ۱۲ نور ټپیان شوي دي.