امریکا دا ځل د کاناډا سره په پوله کې په هوا کې یو نامعلوم څیز د ویشتو نه خبر ورکړی دی
د امریکا پوځ اعلان کړی چې د کاناډا په پوله کې د هورون جهيل د پاسه الوتونکی یو نامعلوم څیز په ډزو ویشتلی او غورځولی دی.
د امریکا پوځ اعلان کړی چې د کاناډا په پوله کې د هورون جهيل د پاسه الوتونکی یو نامعلوم څیز په ډزو ویشتلی او غورځولی دی.
د شمالي امریکا د هوایی دفاع قوماندانې د چین د هوايي بالون او د الاسکا او کاناډا د پاسه د الوتونکې یونامعلوم څیز د ویشتو نه وروسته داځل د امریکا او کاناډا د پولې د پاسه الوتونکي یو نامعلوم څیز د ویشتلو او لمنځه وړو په اړه اقدام وکړ.
د امریکا د هوايي دفاع قوماندانۍ د امریکا او کاناډا د پولو د پاسه د سیمې هوايي حریم د لنډې مودې لپاره د الوتنو پر مخ د تړولو نه وروسته په سیمه کې الوتونکی نامعلوم څیز وویشته.
د میشیګان استازی جمهوري غوښتونکي جیک برګمن په خپل ټویټر پاڼه کې په خپور کړي یوه بیان کې ویلي دي: "د دفاع وزارت له ما سره په لوی جهیل په سیمه کې د عملیاتو په اړه اړیکه ونیوله. د امریکا اردو یو نوی نامعلوم څیز د هورون د جهیلونو په سیمه کې له منځه وړی دی.
د ویلو ده چې د امریکا پوځ د فبروري په څلورمه نیټه د مونتانا د پاسه د تثبیت کړي د چین اړوند د لوړې ارتفاع لرونکی بالون د ویشتو نه خبر ورکړی وو.
همداشان پنټاګون د فبروري په ۹ مه نيټه د الاسکا د پاسه الوتونکي یو نامعلوم څیز د ویشتو نه خبر ورکړی وو.
پدې ډول امریکا د لسو ورځو په دننه کې یو د چین اړوند د لوړې ارتفاع لرونکي بالون او درې ناپیژانده الوتونکي عناصر له منځه یوړل.
اړوند خبرونه
په هالنډ کې د اسلام په اړه د خلکو لیوالتیا ډیره شوې
په هالنډ کې په زرګونو تنو د هالنډي ترجمې سره قرانکریم وویشل شول
چین په بیجینګ کې د المان سفیر بهرنیو چارو وزارت ته احضار کړ
چین په بیجینګ کې د جرمني سفیر پاتریشیا فلور د بهرنیو چارو وزارت ته احضار کړ.