امریکا د روسیې او اوکراین په جګړه کې د تورکېې د رول ستاینه وکړه
امریکا بهرنیو چارو وزارت ویاند : د تورکیې پرته په توره بحیره کې د غلو دانو میکانیزم رامنځته کیدل ناشوني وو
![امریکا د روسیې او اوکراین په جګړه کې د تورکېې د رول ستاینه وکړه](http://cdn.trt.net.tr/images/xlarge/rectangle/72b4/7f28/af74/6307119425c4b.jpg?time=1719060847)
د امریکا متحده ایالتونو ویلي چې دوی د روسیې او اوکراین د جګړې په پای ته رسولو کې د تورکیې د رغنده رول ستاینه کوي او ویلي یې دي چې تورکیه له دواړو هېوادونو سره د سولې د هیلو لپاره له خپلو اړیکو کار اخلي.
د امریکا د بهرنیو چارو وزارت ویاند نید پرائس په یوه ورځني خبري کنفرانس کې د روسیې له خوا په اوکراین کې د اوربند له اعلان وروسته په دې برخه کې د تورکیې د هڅو په اړه د پوښتنو په ځواب کې وویل.
"مونږ د دې وحشیانه جګړې د پای ته رسولو په برخه کې د تورکیې د رغنده رول ستاینه کوو. مونږ د اوکراین د ځمکنۍ بشپړتیا او د اوکراین او روسیې ترمنځ د خبرو اترو د پراختیا لپاره د تورکیې د ثابتې ژمنې ستاینه کوو."
هغه د دې په یادولو سره چې انقره د جګړې له پیل راهیسې یو "رغنده لوبغاړی" دی.
"تورکیه یو رغنده لوبغاړی دی. تورکیې تل هڅه کړې چې خبرو اترو او ډیپلوماسۍ ته وده ورکړي."
نیډ پرائس د روسیې له ولسمشر ولادیمیر پوتین او د اوکراین له ولسمشر ولادیمیر زیلینسکي سره د ټیلیفوني خبرو سربیره د ملګرو ملتونو د سرمنشي انتونیو ګوتریش په کوربه توب د تورې بحیرې د غلې دانې په نوښت کې د ولسمشر رجب طیب اردوغان رول ته اشاره وکړه او زیاته کړه .
"دغه میکانیزم (د غلو دانو نوښت) د تورکیې له رول پرته ناشونی وو. په پایله کې، دا میکانیزم یو داسې میکانیزم دی چې د نړۍ تر ټولو اړو هیوادونو ته په ټنونو غلې دانې برابروي. تورکیه د ناټو د غړي په توګه له خپل دریځ او له نړیوالې ټولنې سره ښو اړیکو او همدا راز له اوکراین او روسیې سره یې متوازنو اړیکو نه په استفادې سره د سولې هیلې زیاتې کړي."
ویاند پرائس دا هم ویلي، چې که دا هڅې په پایله کې ناکامې شي، مسوولیت یې د مسکو پر غاړه دی، نه د تورکیې په غاړه .
اړوند خبرونه
![د امریکا ولسمشر بایدن د کډوالو په اړه خپل نوی پروګرام اعلان کړ. ۵۰۰ زرو تنو ته د امریکا تابعیت ورکوي](http://cdn.trt.net.tr/images/medium/rectangle/b6c4/67e4/c1e5/66615bc834834.jpg?time=1719060847)
د امریکا ولسمشر بایدن د کډوالو په اړه خپل نوی پروګرام اعلان کړ. ۵۰۰ زرو تنو ته د امریکا تابعیت ورکوي
د روسیې ولسمشر ولادیمیر پوتین له ۲۴ کلونو وروسته په رسمي سفر شمالي کوریا ته ولاړ.
د شمالي کوریا مشر کیم جونګ اون په هوايي ډګر کې د پوتین هرکلی وکړ.