په اتریش کې په یو جومات برید شوی

په اتریش کې چې اسلاما فوبیا او اسلام دښمني په چټکۍ سره د ودې په حال کې دا ځل په یو جومات برید وشو.

د اتریش په پلازمینه ویانا کې په یو جومات برید شوی.

د ویانا په اوتاکرینګ ولسوالۍ کې د فاتح په نامه جومات په دخلولي  دروازې برید شوی دی. د جومات دخلولي برخې  ته اور اچول شوی دی.

د برید کوونکي هویت تر اوسه نه دی په ډاګه شوی.

پولیسو د برید په اړه پلټنې پیل کړې دي.

د اتریش د اسلامي ټولنې مشر، امید ورال ویلي، ورانکارو او اسلام دښمنو پر جومات برید کړی دی. هغه ویلي دي چې مونږ د قضیې روښانه کیدو انتظار باسو. تر اوسه پورې برید کوونکی نیول شوی ندی او د پیښې په اړه پلټنې دوام لري.