د پیرو پخوانی ولسمشر په ۱۸ میاشتو بند محکوم شو

 په پیرو کې، د پخواني ولسمشر پیډرو کاستیلو د ۱۸ میاشتو بند سزا، چې د دسمبر په ۷ نیټه  د کانګرس لخوا له دنده ګوښه شوی وو، د سترې محکمې لخوا تایید شو.

د پیرو سترې محکمې کاستیلو ته د ورکړل شوي ۱۸ میاشتنۍ سزا پر وړاندې استیناف غوښتنه رد کړه او پریکړه یې وکړه چې سزا ته دوام ورکړي.

پدې ډول د محکمې لخوا د دسمبر په ۱۶ مه نیټه د کاستیلو د دندې نه د ناوړې استفادې، بغاوت او دسیسو جوړولو جرمونو په اړه حکم تایید شو. د لوی څارنوال مرستیال سلوا ساک راموس وویل چې کاستیلو باید په زندان کې پاتې شي ، "ځکه چې د هغه  د تېښتې جدي خطر شتون لري".

محکمې د تېښتې د شک په اساس د پخواني لومړي وزیر انیبال توریس، چې د کاستیلو په دوره کې یې دنده ترسره کوله، د سفر بندیز هم لګولی دی.

له بلې خوا د کاستیلو وکیل د دې پریکړې په اړه غبرګون وښود او ویې ویل چې د هغه موکل داسې جرم نه دی کړی چې د بغاوت لامل شي، او د مخنیوي بند سزا بې اساسه ده.

د محکمې لخوا هغه ته  د خپل حکم د اورولو پر مهال کاستیلو استدلال وکړ چې له ده څخه سیاسي غچ اخیستل شوی او ویلي یې دي: «ما هېڅکله د بغاوت جرم نه دی کړی، وسله مې نه ده پورته کړې او نه مې چا ته د ټوپک د کارولو غږ کړی، خو باید ووایم. هغه څوک چې د ۳۰ څخه ډیر پیرویان یې وژلي هغه څوک و چې وسله یې پورته کړه.

د پیرو پخوانی ولسمشر کاستیلو د کانګرس لخوا د "دایمي اخلاقي بې کفایتۍ" په تور استیضاح شو او له دنده ګوښه شو کړ.

د کاستیلو د ګوښه کولو دلیل "د عامه وظیفو غصب کول، د دولتي صلاحیتونو  د فعالیت پر وړاندې خنډ جوړول  او د اساسي قانون څخه د سرغړونې هڅه" وه.

پیډرو کاستیلو د کانګرس د منحل کولو او د ملي اضطراري حکومت جوړولو پریکړه وروسته توقیف شوی وو.