د امریکا ولسمشر جو بایدن د اسرائیلو نوي حکومت ته خبرداری ورکړ.

د امریکا ولسمشر جو بایدن د اسرائیلو نوي حکومت ته خبرداری ورکړ.

 د امریکا ولسمشر جو بایډن ددې خبرې په ټینګار وویل چې  د بنیامین نتانیاهو په مشرۍ د اسرائیلو له نوي جوړ شوي حکومت سره  کار کولو ته سترګې په لاره دی، خو  امریکا به د هغو سیاستونو سره  مخالفت ته دوام ورکړي چې د اسرائیل او فلسطین ترمنځ د دوو دولتونو حل لاره له خطر سره مخامخ کړي.

په اسرائیلو کې د بنیامین نتنیاهو په مشرۍ د ښي اړخو ایتلاف له پارلمان څخه د باور رایه ترلاسه کړه. په دې توګه نتانیاهو د شپږم ځل لپاره د دغه هېواد لومړی وزیر شو.

د امریکا  ولسمشر جو بایډن ی وروسته له هغه چې د اسرائیلو پارلمان د لومړي وزیر بنیامین نتانیاهو په مشرۍ نوی حکومت  ته د باور رای ورکړه بیان خپور کړ.

د امریکا  مشر په خپور کړي بیان کې ویلي دي چې "زه د لومړي وزیر نتانیاهو سره چې د لسیزو راهیسې زما ملګری دی  په ګډه کار کولو ته سترګې په لار یم،  ترڅو په ګډه د ډیرو ننګونو او فرصتونو سره چې اسراییل او د منځني ختیځ سیمه ورسره مخ ده، د ایران د ګواښونو په ګډون په ګډه کار وکړو."

بایډن ټینګار کړی دی چې  امریکا د یو متحد، سوکاله او خوندي او باامنه منځني ختیځ  لپاره کار کړی او  کوي. ددې مفکورې نه د ملاتړ په موخه  دوی له اسرائیلو، فلسطین او نورو سیمه ییزو ملګرو سره  په ګډه کار کوي او دا کار به د  اسرائیلو له نوي حکومت سره چې  نتنیاهو يي مشري یې کوي، دوام ورکړي.

بایډن خبرداری ورکړ "لکه څنګه چې واک ته د رسیدو نه راپدیخوا مو ترسره کړي دي ،  امریکا به په منځني ختیځ کې   د دوه دولتونو د حل لارې نه  ملاتړ ته دوام ورکړي او د هغو پالیسیو سره  به په شدت مخالفت وکړي چې زمونږ د متقابلو ګټو او ارزښتونو سره د هغې پایښت له خطر سره مخامخ کوي."