پوتین د اردوغان د سیاستونو او پیاوړې رهبرۍ ستاینه وکړه
د روسیې ولسمشر ولادیمیر پوتین د ولسمشر رجب طیب اردوغان د سیاستونو او پیاوړې مشرۍ ستاینه وکړه.
![پوتین د اردوغان د سیاستونو او پیاوړې رهبرۍ ستاینه وکړه](http://cdn.trt.net.tr/images/xlarge/rectangle/3b10/9810/6b52/634fefdf00f5b.jpg?time=1718818748)
د روسیې ولسمشر ولادیمیر پوتین د ولسمشر رجب طیب اردوغان د سیاستونو او پیاوړې مشرۍ ستاینه وکړه.
پوتین وویل چې "ولسمشر رجب طیب اردوغان یو قوي او پیاوړی مشر دی، هغه د تورکیې د خلکو، اقتصاد او د هیواد د ملي ګټو په رڼا کې عمل کوي."
ولادیمیر پوتین د ویلادیو د بحثونو د نړیوال کلب په کلنۍ غونډه کې د روسیې او تورکیې ترمنځه د اړیکو په اړه ارزونې وکړې.
پوتین دلته ددې پوښتنې په ځواب کې چې "دوه کاله مخکې تاسو د اردوغان په اړه مثبتې خبرې کړې وې ، آیا ستاسو په فکر او لید کې کوم بدلون راغلی دی؟" وویل ،
"ولسمشر اردوغان یو قوي او پیاوړی مشر دی، هغه د تورکیې د خلکو اقتصاد او هیواد د ملي منافعو په رڼا کې عمل او حرکت کوي. دا خبره د انرژۍ په برخه کې د اردوغان دریځ او د ترک سټریم د طبیعي ګاز د پایپ لاین د جوړولو سره ثابت شوې ده."
پوتین دې ته په اشارې سره چې دوی په تورکیه کې د اروپایی مصرف کونکو لپاره د ګازو د مرکز د جوړولو وړاندیز کړی دی، وویل ، تورکیې دغه وړاندیز د خپلو ګټو په خاطر منلی دی.
ولادیمیر پوتین وویل چې د ګرځندوی، ساختماني او کرنې په برخو کې د روسیې او تورکیې ګټې یو بل سره تړلې دي.
"د همدې امله ، ولسمشر اردوغان اجازه نه ورکوي چې په خپلو اوږو اضافه پیټې بار کړي او د دریم هیواد د ګټې او منافعو لپاره عمل وکړي. هغه زمونږ سره د خبرو اترو په بهیر کې تل د خپلو ګټو دفاع کوي. د همدې امله تورکیه او اردوغان زمونږ لپاره کوم ساده شریکان ندي. هره پریکړه د ډیرو سلامشور او تدبیر سره کوي. دواړه خواوې د یو بل سره د تفاهم لیوالتیا لري په ډیری برخو کې سره په تفاهم هم رسیږو. اردوغان یو ثابت قدمه او باوري ملګری دی. دا د هغه ترټولو مهمه ځانګړتیا ده."
پوتین د دې په بیانولو سره چې اردوغان د خپل هیواد له ګټو څخه دفاع کوي او په دې حالت کې د روسیې لپاره ستونزه نه جوړوي، په دې ډول دوام ورکړ:
"اردوغان د هغه پریکړو لپاره مبارزه کوي چې د هغه د حکومت لخوا مناسبه ګڼل کیږي. مونږ هم د دې لپاره مبارزه کوو چې ډاډ ترلاسه کړو چې کومې پریکړې زمونږ لپاره مناسبې دي. د همدې امله مونږ حتی په ډیرو حساسو مسلو کې یوه حل لار موندلی شو. د بیلګې په توګه سوریه، امنیت، اقتصاد، زیربناوې . تر اوسه پورې مونږ توانیدلي یو چې پدې برخو کې سره په ګډه کار وکړو. "که چیرې مونږ د ډیرو ستونزمندو لارو څخه په تیریدو یوه حل لار پيدا کوو نو د ددې په معنا ده چې مونږ پدې حل لارې بیا عمل هم کوو. زمونږ د اړیکو تر ټولو مهمه ځانګړنه اعتبار او ثبات دی."
اړوند خبرونه
![د امریکا ولسمشر بایدن د کډوالو په اړه خپل نوی پروګرام اعلان کړ. ۵۰۰ زرو تنو ته د امریکا تابعیت ورکوي](http://cdn.trt.net.tr/images/medium/rectangle/b6c4/67e4/c1e5/66615bc834834.jpg?time=1718818748)
د امریکا ولسمشر بایدن د کډوالو په اړه خپل نوی پروګرام اعلان کړ. ۵۰۰ زرو تنو ته د امریکا تابعیت ورکوي
د روسیې ولسمشر ولادیمیر پوتین له ۲۴ کلونو وروسته په رسمي سفر شمالي کوریا ته ولاړ.
د شمالي کوریا مشر کیم جونګ اون په هوايي ډګر کې د پوتین هرکلی وکړ.