د روسیې ولسمشر ولادیمیر پوتین د اټومي وسلې د کارونې په اړه مهمې څرګندونې وکړې.

د روسیې ولسمشر ولادیمیر پوتین د اټومي وسلې د کارونې په اړه مهمې څرګندونې وکړې.

هغه وویل "تر هغه چې اټومي وسلې شتون ولري، تل د هغې د کارولو خطر هم دوام لري."

ولادیمیر پوتین په پلازمینه مسکو کې د والډې د بحثونو د نړیوال کلب له خوا په جوړه شوې غونډه کې ګډون وکړ او د اجنډا پر موضوعاتو یې څرګندونې وکړې.

پوتين دلته ددې پوښتنې په ځواب کې چې آيا اټومي جګړې د پیلیدو امکان شتون لري چې په دې وروستيو ورځو کې د خلکو په منځ کې مطرح شوې ده؟ وویل ،

"تر کومه  چې اټومي وسلې شتون ولري، تل د هغې د کارولو خطر هم  شتون لري. نن ورځ د اټومي ګواښونو او د اټومي وسلو د کارولو احتمال خورا مهم دی."

پوتین زیاته کړه  چې لویدیځ د روسیې په خلاف د دوستو او بې طرفه هیوادونو د هڅولو لپاره د هرې لارې او امکان نه استفاده کوي، او روسیه د یو "ویروونکي هیواد" په توګه د معرفي کولو هڅې کوي. هغه  وویل چې مونږ خوشې د نړۍ سره د کیف لخوا په خپل هیواد کې د ککړ بم د کارولو په اړه  استخباراتي معلومات شریک کړي ندي.

هغه وویل  چې دوی حتی پوهیږي چې دا ککړ بم چیرته جوړ شوی و. داسې پلان شتون درلود چې ددې د ځینو توغندیو په وسیله اټومي بم وکارول شي او وروسته بیا تور په روسیې واچول شي.

ولادیمیر پوتین وویل:"موږ اړتیا نه لرو چې پر اوکراین اتومي برید وکړو، دا نه سیاسي او نه پوځي معنی لري."