د انګلستان لومړۍ وزیرې لیز تروس استعفا وکړه.

د انګلستان لومړۍ وزیرې لیز تروس استعفا وکړه.

تروس د لومړي وزیر د لسم  نمبر دفتر مخې ته وینا کې، وویل چې هغه د لوی اقتصادي او نړیوالې بې ثباتۍ په دوره  کې  دا مسئولیت او دنده واخیسته . هغه وویل چې  د هغه کورنیو او هټۍوالو په اړه چې خپل بیلونه نشي ورکولی ډیر انديښمنه ده.

هغې د دې په ټینګار  سره وویل،  هغې د دې وضعیت  د بدلون لپاره واک او دنده په  غاړه واخیسته. ټروس اعتراف وکړ چې هغه د اوسني وضعیت په پام کې نیولو سره د دې دندې ترسره کولو توان ونلري  او استعفا کوي.

ټروس وویل چې هغه د انګلستان له پاچا چارلس دریم سره وکتل ترڅو خپله استعفا وړاندې کړي.

لیز تروس وویل چې د ګوند دننه به د مشرتابه ټاکنې ترسره شي چې راتلونکې اونۍ به بشپړې شي او هغه به د نوي لومړي وزیر تر ټاکل کیدو پورې په خپله دنده پاتې شي.

تروس تر فشار لاندې و چې استعفا ورکړي

د انګلستان حکومت د سپتمبر په ۲۳مه اعلان وکړ چې په هېواد کې د مالياتو د کمولو لپاره چمتووالی نيسي چې ټولټال ۴۵ ميليارده پونډه به وي.

دې حالت دا توقعات زیات کړل چې د هیواد بهرنۍ پورونه به ډیر شي او ددې سره سم د  سټرلینګ بیه په ګړندۍ توګه راوغورځیده.

په اقتصادي پلانونو د سختو نیوکو وروسته، حکومت د ۴۵ سلنې لوړ عایداتو مالیه د لغوه کولو پلان پریښود.

تروس چې څو ځله د بودیجې د تنظیم د پلان په چوکاټ کې د مالیاتو د کمولو د پلان تر شا ولاړه وه، د اکتوبر په ۱۴ مه د عامه فشارونو پر وړاندې مقامت د لاسه ورکړ او  د مالیې د وزیر کواسي کوارټینګ له دندې ګوښه او پر ځای یې جیرمي هنټ وټاکه.

لیز ټروس د "غلطیو" لپاره بخښنه وغوښته چې د بازار د پام وړ بې ثباتۍ لامل شوې. په انګلستان  کې د تروس په اړه چې څومره به په دنده کې پاتې شي بحثونه پيل شوي دي.