په اسیا کې د همکارۍ او باور جوړونې د اقداماتو د کنفرانس وروستۍ اعلامیه خپره کړه

په اسیا کې د همکارۍ او باور جوړونې د اقداماتو د کنفرانس د شپږمې غونډې په پای کې پرېکړه وشوه، چې د یوه بشپړ نړیوال سازمان په توګه د تدریجي لېږد بهیر پیل شي.

د قزاقستان په پلازمېنه استانه کې په اسیا کې د همکارۍ او باور جوړونې د اقداماتو د کنفرانس د شپږمې غونډې نه وروسته  اعلامیه خپره شوه.

په اعلاميه کې راغلي، چې په سرمشريزه کې د ګډون کوونکو هېوادونو د دولتونو او حکومتونو مشرانو پرېکړه وکړه چې په تدريجي ډول به د CICA بشپړ نړيوال سازمان ته د لېږد بهير پيل کړي.

په بیان کې راغلي"مونږ به په خپل سازمان کې خپل ګډ کار پیاوړی کړو ترڅو د یوې خوندي او هوسا سیمې لپاره د ۲۱ مې پیړۍ ستونزو ته د ګډ حل په لټه کې شو او ډاډ ترلاسه کړو چې شخړې د ملګرو ملتونو د منشور سره سم په سوله ایزه توګه حل کیږي."

په اعلامیه کې چې ویل شوي چې کویت د CICA د ۲۸م بشپړ غړي په توګه منل شوی، ویل شوي چې مشرانو موافقه وکړه چې قزاقستان به تر ۲۰۲۴ کاله  پورې د CICA دورې مشرۍ ته دوام ورکړي.

په اسیا کې د همکارۍ او باور جوړونې د اقداماتو د کنفرانس په اروپا کې د امنیت او همکارۍ سازمان (OSCE) د آسیا همکار په توګه رامینځته شوی ،( CICA )په ۵ اصلي لارښوونو کې مطالعات ترسره کوي: اقتصادي ، چاپیریال ، بشري ، نوي ننګونې او ګواښونه او نظامي - سیاسي.

په اسیا کې د همکارۍ او باور جوړونې د اقداماتو د کنفرانس د قزاقستان په پلازمینه آستانه کې مرکزي دفتر لري، ۲۸ بشپړ او ۹ څارونکي غړي لري.

غړي هېوادونه، ترکیه، قزاقستان، اذربایجان، افغانستان، بحرین، بنګله دېش، متحده عربي امارات، ایران، عراق، اسرائیل، اردن، قطر، کمبوډیا، قرغزستان، مصر، منګولیا، پاکستان، هند، جنوبي کوریا، فلسطین، سریلانکا، چین. تاجکستان، تایلنډ، روسیه، ویتنام، ازبکستان او کویت شامل دي.

د امریکا ، بیلاروس، اندونیزیا، جاپان، مالیزیا، فیلیپین، اوکراین، ترکمنستان او لاوس د څارونکو په توګه په دې کنفرانس کې ګډون کوي.

ولسمشر رجب طیب اردوغان، د روسیې ولسمشر ولادیمیر پوتین، د اذربایجان ولسمشر الهام علییف، د ایران ولسمشر ابراهیم رییسي، د عراق ولسمشر برهم صالح، د قطر امیر شیخ تمیم بن حمد آل ثاني، د فلسطین ولسمشر محمود عباس، د ازبکستان ولسمشر شوکت میرضیایف، د ازبکستان ولسمشر شوکت میرضیایف. سدیر جاپاروف، د تاجکستان ولسمشر امام علي رحمان، د ویتنام مرستیال ولسمشر وو تی آن سوان او د بیلاروس ولسمشر الکساندر لوکاشینکو چې د څارونکي غړیتوب لري ګډون وکړ.