اوکراین ویلي‌ چې ۲۰۶۰۰ تنه روس پوځیان له منځه وړي‌ دي.

اوکراین ویلي‌ چې ۲۰۶۰۰ تنه روس پوځیان له منځه وړي‌ دي.

 د اوکراین لوی درستیزوالۍ  د فبرورۍ د ۲۴مې او د اپریل د ۱۸مو نیټو  ترمنځ د روسیې د پوځ د تلفاتو  شمیره اعلان کړه.

د اوکراین لوی درستزوالۍ ویلي‌ دي‌ چې د روسیې پر اوکراین د یرغل او اشغال د پيل راهیسې په اوکراین کې  ۲۰۶۰۰ تنه  پوځیان  ، ۱۶۷ جنګي الوتکې، ۱۴۷ چورلکې، ۷۹۰ ټانکونه د لاسه ورکړي‌‌ دي.

په بیان کې راغلي‌ دي‌ چې  اوکرایني‌ ځواکونو ددې سربیره  د روسیې د پوځ  ۲۰۴۱ زغره وال ګاډي، ۳۸۱ توپونه، ۱۳۰ د راکټ لانچر سیسټمونه او ۶۷ د هوايي دفاعي سیستونه ي  له منځه وړي‌ دي.

همداشان پدې موده کې  د روسي ځواکونو ۱۴۸۷ موټرې، ۸ جنګي لویې بېړۍ او سپکې ګړندۍ بېړۍ، ۷۶ د تیلو ټانکران  او ۱۵۵ بې پیلوټه الوتکې له منځه وړي‌ دي.

د اوکراین لخوا د خپرو شوو شمیرو له مخې روسیې په اوسط ډول په اوکراین کې هره ورځ ۳۸۱ تنه سرتیري‌ د لاسه ورکړي‌ دي.

د بله پلوه دوه اونۍ مخکې ځینو لویدیځو سرچینو  په اوکراین کې د څه باندې ۷۰۰۰ تنو روس پوځیانو د وژل کیدو ادعاء کړې وه.

د ویلو ده چې اوکراین تر اوسه پورې په روانه جګړه کې د خپلو ځاني‌ تلفاتو شمیره نده اعلان کړې.

په همدې ډول روسیې د مارچ په ۲۵ مه نیټه په اوکراین کې د ۱۳۵۱ تنو روسي‌ پوځیانو د وژل کیدو نه خبر ورکړی وو. ددینه وروسته د خپلو ځاني‌ تلفاتو شمیره نده اعلان کړې.