ولادیمیر زیلنسکي : روسیه په بوچا کې د خپلو جنایتونو د پټولو په خاطر شواهد له منځه وړي

د اوکراین ولسمشر ولادیمیر زیلینسکي ویلي، د بوچا د ښار  له پېښې وروسته د روسیې پوځ تاکتیکونه بدل کړي او هڅه کوي  په هغو سیمو کې  د خپلو جرمونو شواهد له منځه یوسي چې دوی نیولي دي.

په هغه  په خپور کړي‌ ویډیویي پیغام کې ویلي چې د عصري روسیې دولت په اړه د نړۍ چلند په بوچا کې د رامنځته شوو پيښو نه وروسته په کامله توګه بدل شوی دی.

زېلنسکي دې ته په اشارې سره ویلي‌ دي چې له پېښې وروسته روسي پوځیان هڅه کوي چې د خپلو جرمونو شواهد له منځه یوسي.

"له بوچا وروسته، د روسیې پوځ تاکتیکونه بدل کړل. موږ معلومات لرو چې هڅه یې کړې چې وژل شوي اوکراینیان د نیول شویو سیمو له کوڅو او حوزو څخه پاک کړي. مګر دوی نشي کولی له مسؤلیت څخه وتښتي. موږ دمخه پوهیږو چې زرګونه اتباع ورک دي."

زیلنسکي یادونه وکړه چې د هدفي تحقیقاتو، عیني شاهدانو او د سپوږمکۍ د څارنې څخه مننه چې په اوکراین کې به د روسیې جنګي جنایتونه کشف کړي او د حقیقت لټون ته به دوام ورکړي.

زیلینسکي ددې خبرې په ټینګار سره  وویل چې نن ورځ لویدیځو هیوادونو د روسیې پرضد د بندیزونو نوې بسته اعلان کړه او که څه هم دغه بندیزونه اغیزمن ښکاري خو کافي نه دي.

"موږ به له نړیوالو مالي سیستمونو څخه د روسیې د بانکي سیسټم په بشپړ توګه بندیز لګولو غوښتنې او ټینګار ته دوام ورکړو. موږ به دیته هم زمینه برابره کړو  چې ډیموکراتیکه نړۍ، په یوه بڼه یا بله بڼه، د روسیې نه د نفتو واردات ختم کړي.

زیلنسکي وویل چې د جګړې د بندولو لپاره باید ډیر څه وشي.

"هغه وویل چې  د روسیې په وړاندې قوي‌ بندیزونو او قوي‌ وسلو ته اړتیا لرو. که نه وي دا به روسیې ته  په دونباس کې د یوې نوې خونړۍ څپې پیلولو ته اجازه ورکړي.

سربیره پردې، زیلنسکي وویل چې دوی پریکړه کړې چې په خوندي سیمو  کې اقتصادي فعالیتونه بیا پیل کړي.

"زه د ټولنې له ټولو مشرانو څخه غوښتنه کوم چې په هغو سیمو کې چې په ځمکه کې د دښمن سره د مخامخ جګړې ګواښ شتون نلري، هر هغه څه چې د خلکو د بیرته راستنیدو لپاره اړین وي ترسره کړي او د اقتصادي پروسې د بیا پیل لپاره کار وکړي."

زیلنسکي د دې خبرې په ټینګار  سره وویل چې مقابل لوری د خپل جنګي ځواک په زیاتولو سره یو ځل بیا د فعالو عملیاتو د پیلولو لپاره تیاری نیسي "موږ به جګړه کوو او شاته نه ځو. تر کومه چې روسیه په جدي معنا سره سولې ته غاړه کینږدي  موږ به د خپل ځان د دفاع لپاره په ټولو انتخابونو غور وکړو .