اوکرایني ځواکونو د روسیې د پوځ یو بل جګپوړی جنرال هم وواژه.
روسیې د اوکراین په جګړه کې یو تن بل مهم قومندان هم د لاسه ورکړ
اوکرایني ځواکونو د روسیې د پوځ یو بل جګپوړی جنرال هم وواژه.
د روسیې لخوا پر اوکراین د یرغل په ۱۳ مه ورځ هم بریدونه دوام لري. روسیې د اوکراین د پلازمینې کیف ، خارکیف، ماریوپولو او سومي د ښارونو نه د ملکي وګړو د تخلیې په موخه پرون لنډ مهال اوربند اعلان کړ.
همداشان د اوکراین په یو زیات شمیر ښارونو او سیمو بریدونه دوام لري. د اوکراین د دفاع وزارت بیا د خارکیف په ښار کې په نښتو کې د یو تن جګپوړي روس جنرال د وژل کیدو نه خبر ورکړی دی.
د اوکراین د دفاع وزارت د استخباراتو ریاست ویلي دي چې د روسي ځواکونو یو تن قومندان تورنجنرال ویتالي ګیراسیموف د خارکیف ښار ته نږدې په یوه سیمه کې په نښته کې وژلی دی.
ویل کیږي د روسیې د ۴۱م اردو قومندان تورنجنرال ګیراسیموف د چیچین په دویمه جګړه او د سوریې په عملیاتو کې هم ګډون کړی وو.
همداشان نوموړي د کریمیا د نیولو په عملیاتو کې هم ګډون کړی وو ددې عملیاتو د پایته رسیدو نه وروسته یو مډال هم ترلاسه کړی وو.
اړوند خبرونه
د امریکا ولسمشر بایدن د کډوالو په اړه خپل نوی پروګرام اعلان کړ. ۵۰۰ زرو تنو ته د امریکا تابعیت ورکوي
د روسیې ولسمشر ولادیمیر پوتین له ۲۴ کلونو وروسته په رسمي سفر شمالي کوریا ته ولاړ.
د شمالي کوریا مشر کیم جونګ اون په هوايي ډګر کې د پوتین هرکلی وکړ.
