پوتین خپلو ځواکونو ته د دونتسک او لوهانسک سیمو ته د ننوتو امر وکړ
د روسیې ولسمشر ولادیمیر پوتین د اوکراین د ختیځو سیمو دونتسک او لوهانسک خپلواکي په رسمیت د پیژندو د پریکړې نه وروسته پوځ ته دې سیمو ته د ننوتو امر وکړ.
د روسیې ولسمشر ولادیمیر پوتین د اوکراین د ختیځو سیمو دونتسک او لوهانسک خپلواکي په رسمیت د پیژندو د پریکړې نه وروسته پوځ ته دې سیمو ته د ننوتو امر وکړ.
د روسیې ولسمشر پوځ ته د دونتسک او لوهانسک د سیمو د امنیت ساتلو او د سولې د ټینګښت امر وکړ.
ددې سربیره پوتین د بهرنیو چارو وزارت ته د دونتسک او لوهانسک تش په نامه جمهوریتونو سره د ډیپلوماتیکو اړیکو د ټینګولو په برخه کې هر څه ژر د تړونونو د لاسلیکولو هدایت وکړ.
همداشان پوتین ویلي دي چې د دونتسک او لوهانسک د سیمو خپلواکي د په رسمیت پيژندو فرمان د لاسلیک د نیټې نه د اعتبار وړ دی.
پوتین ویلي دي چې روس ځواکونه د سوله ساتو ځواکونو په توګه دونتسک او لوهانسک سیمو ته داخل شي.
د پوتین لخوا د نوموړو سیمو د په رسمیت پيژندو نه وروسته په دونتسک او لوهانسک کې خلک لارو او سړکانو ته راووتل او د هوايي فشنګونو په الوزولو سره يي دا پریکړه ولمانځله.
د بله پلوه د رویټرز خبري اژانس ویلي دي چې روسیې د دونتسک او لوهانسک سره د همکارۍ تړون د لاسلیکولو سره پدې سیمو کې د پوځي هډو د جوړولو اجازه هم ترلاسه کړې ده.
د ویلو ده چې د اوکراین په ختیځ کې روس پلوه بیلتون غوښتونکو په ۲۰۱۴ کال کې د یوې ټولپوښتنې نه وروسته د اوکراین نه د جلا کیدو پریکړه وکړه. نوموړو د دونتسک او لوهانسک په نامه دوه جلا جلا جمهوریتونه اعلان کړل.
اړوند خبرونه
د امریکا ولسمشر بایدن د کډوالو په اړه خپل نوی پروګرام اعلان کړ. ۵۰۰ زرو تنو ته د امریکا تابعیت ورکوي
د روسیې ولسمشر ولادیمیر پوتین له ۲۴ کلونو وروسته په رسمي سفر شمالي کوریا ته ولاړ.
د شمالي کوریا مشر کیم جونګ اون په هوايي ډګر کې د پوتین هرکلی وکړ.