په میانمار کې نن یو ځل بیا ۷ تنه مظاهره کوونکي ووژل شول
په میانمار کې د پوځي کودتا پر خلاف د روانو مظاهرو په ترڅ کې نن ۷ تنه نور مظاهره کوونکي هم ووژل شول.
د میانمار د رسنیو د خبر له مخې د ماګوې په سیمه کې امنیتي ځواکونو د کودتا پر خلاف په مظاهره کوونکو ډیره سخته مداخله وکړه چې په نتیجه کې ۶ تنه مظاهره کوونکي مړه او ۸ تنه نور ټپيان شول.
همداشان د نارت اوکال اپا په سیمه کې هم امنیتي ځواکونو پر مظاهره کوونکو د سختې مداخلې په نتیجه کې یو تن مظاهره کوونکي ژوند د لاسه ورکړ.
د بله پلوه د میانمار کودتاچي حکومت د اراکان پوځ د ترهګرو د لست نه وویسته.
د میانمار د ترهګرۍ پر وړاندې د مبارزې مرکزي کمیټې د بیان په خپرولو سره ویلي دي چې د اراکان پوځ پدې وروستیو کې هیڅډول کوم ترهګریز برید او عمل ندی ترسره کړی چې د همدې امله د ۲۰۲۱ کال د مارچ د ۱۱ نیټې نه په اعتبار سره د ترهګرو د لست وویستل شو.
د ویلو ده چې په میانمار کې د ۲۰۲۰ کال د مارچ په ۲۳ مه نیټه د اراکان پوځ د ترهګرو سازمانونو په لست کې شامل کړی وو .
د میانمار پوځ د ۲۰۲۰ کال د نوامبر د ۸ په ټولټاکنو کې د درغلۍ کیدو په ادعاء سره د فبروري په لومړۍ نیټه کودتا وکړه او د هیواد د واکمن ګوند ټول سیاسي مشران يي زنداني کړل او واک او اختیارات يي په خپل لاس کې ونیو.
د میانمار واکمن ګوند مشرې د هیوادوالو نه د کودتا پر خلاف د مظاهرو او مقامت کولو غوښتنه وکړه.
په میانمار کې د فبروري په ۶ مه نیټه د کودتاچي حکومت پر خلاف مظاهرې پيل شوې.
پدې مظاهرو کې تر اوسه پورې په لسګونو تنه وژل شوي او په سلګونو تنه نیول شوي دي.
اړوند خبرونه
چین په بیجینګ کې د المان سفیر بهرنیو چارو وزارت ته احضار کړ
چین په بیجینګ کې د جرمني سفیر پاتریشیا فلور د بهرنیو چارو وزارت ته احضار کړ.