د جو بایدن د زوی په اړه د مالیې له امله څیړنې پيل شوي دي

هنټر بایدن د بیان په خپرولو سره ویلي دي چې د مالیې له امله يي په اړه څیړنې پیل شوي دي.

هغه ویلي دي چې دا څیړنې د دلاور په ایالت کې د فدرال څارنوالانو لخوا ترسره کیږي.

هغه ویلي دي چې پرون  د  ولاور  په ایالت کې د عدلیې د وزارت د څانګې لخوا زمونږ د مدافع وکیل ته د روانو تحقیقاتو په اړه خبر او معلومات ورکړل شوي دي. زه پرون ددې څیړونو نه خبردار شوم.

هنټر بایدن ویلي دي  پوره باور لري چې بې طرفه څیړنې به د مالیې په اړه پرته د کومې ستونزې دا مسئله حل کړي.

د بله پلوه جو بایدن ته د واک د انتقال دفتر ویلي دي چې بایدن په خپل زوی افتخار کوي.

هنټر بایدن د ولسمشرۍ د ټاکنیز کمپاین پر مهال هم وخت نا وخته د جمهوریت پلوو  لخوا د هدف لاندې راغلی دی.

د ویلو ده چې پر جو بایدن  تور لګول شوی وو چې  د ولسمشرۍ د مرستیالۍ پر مهال  پر اوکراین کې خپل  زوی د انرژۍ د شرکت  په چارو کې مداخله کړې  او د شرکت په اړه د تحقیقاتو ترسره کوونکي لوی څارنوال له دندې نه د ګوښه کولو په خاطر د اوکراین پر حکومت فشار راوستی وو.