په هندوستان کې پر امنیتي ځواکونو غبرګې چاودنې  شوي دي.

د هندوستان د چتیسګر ایالت د سوکما په  ولسوالۍ کې پر امنیتي ځواکونو چاودنې شوي دي.

د چتیسګر ایالت پولیسو ویلي دي چې پرون خالي د نوامبر ۲۸ مه د شپې د لسو بجو په شاوخوا کې په سوکما ولسوالۍ کې په کوماندو ځواکونو چاودنې شوي دي.

د پولیسو په وینا چاودنې  هله رامنځته شوې چې کوماندو ځواکونه د عملیاتو نه راستنیدو پر حال کې وو.

پولیسو ویلي دي چې دوه چاودنې وشوې چې په نتیجه کې یو تن افسر ژوند د لاسه ورکړی او لسو تن سرتیري ټپیان شوي دي.

پولیسو ویلي دي چې د ټپي شوو سرتیرو نه د اتو تنو روغتیايي حالت د ډاډ وړ دی.

د برید مسئولیت تر اوسه پورې کومې ډلې په غاړه ندی اخیستی.