د ۲۰۰۰ او ۲۰۱۹ کلونو ترمنخه په نړۍ کې د طبعي ناورینونو له امله د خاني زیانونو شمیره
د ۲۰۰۰ او ۲۰۱۹ کلونو ترمنځه په نړۍ کې د طبعي ناورینونو او پيښو له امله څه باندې یو میلیون او ۲۳۰ زرو تنو ژوند د لاسه ورکړی دی.
د ۲۰۰۰ او ۲۰۱۹ کلونو ترمنځه په نړۍ کې د طبعي ناورینونو او پيښو له امله څه باندې یو میلیون او ۲۳۰ زرو تنو ژوند د لاسه ورکړی دی.
ملګروملتونو سازمان د ( د ناورین د خطراتو د راټیټولو نړۍواله ورځ ) له امله په خپور کړي راپور کې ویلي دي چې د ۲۰۰۰ او ۲۰۱۹ کلونو ترمنځه ۷۳۴۸ ستر طبعی ناورینونه او پیښې رامنځته شوي دي.
د راپور له مخې د اقلیم د بدلون په نتیجه کې د رامنځته شوي هوا ناسم حالاتو او طبعي ناورینونو په نتیجه کې څه باندې یو میلیون او ۲۳۰ زرو تنو ژوند د لاسه ورکړی او ۴ عشاریه ۲ میلیارده تنه انسانان اغیزمن شوي دي. همداشان نړۍوال اقتصاد ته ۳ تریلیونه ډالره زیان رسولی دی.
په راپور کې راغلي دي چې په تیرو شلو کلونو کې د سترو سیلاونو کچه دوه برابره لوړه شوې، توپانونو، وچکالۍ، په ځنګلونو کې اورلګیدونو، د هوا د ناسمو حالاتو له امله د رامنځته شوو پيښو، زلزلو او توسونامي شمیرو کې د پام وړ زیاتوالی راغلی دی.
په راپور کې راغلي دي چې ددې پیښو نه تر ۳۰۰۰ ډیرې طبعي ناورینونو پيښې په اسیا کې ، ۱۷۵۶ په امریکا کې او ۱۱۹۲ په افریقا کې ثبت شوي دي.
د طبعي ناورینونو نه تر ټولو اغیزمن هیوادونه چین، امریکا، هندوستان، فیلیپین او اندونیزیا ښودل شوي دي.
په ۲۰۰۴ کال کې د هند په اقیانوس کې د رامنځته شوي توسونامي په نتیجه کې ۲۲۶ زره او ۴۰۰ تنو ژوند د لاسه ورکړ. همداشان په ۲۰۱۰ کال کې په هایټي کې په رامنځته شوې د ریښتر په کچه د ۷ په شدت سره په زلزله کې ۲۲۲ زرو تنو ژوند د لاسه ورکړی وو.
اړوند خبرونه
چین په بیجینګ کې د المان سفیر بهرنیو چارو وزارت ته احضار کړ
چین په بیجینګ کې د جرمني سفیر پاتریشیا فلور د بهرنیو چارو وزارت ته احضار کړ.