د امریکا متحده ایالتونو یو جګپوړی هیئت د ادلب په مسئلې د خبرو په خاطر ترکیې ته راځي.

په ملګروملتونو سازمان کې د امریکا دایمې استازې کیلي کرافټ او د سوریې لپاره د امریکا ځانګړی استازی جیمز جیفري نن  ترکیې ته راځي.

د ډیپلوماتیکو سرچینو د معلوماتو له مخې  کیلي کرافت او جیمز جیفري به  نن  شپه ترکیې ته راشي  د ترکیې د مقاماتو سره به د سوریې پر مسئلې خبرې وکړي.

امریکايي هیئت به په ترکیه کې د ملکي او مدني ټولنو د استازو هم لیدنه وکړي.

پدې لیدنه کې به په سوریه کې د اسد رژیم  د روانو بریدونو له امله په رامنځته شوي انساني تراژیدۍ  او فلاکت  خبرې وکړي .