د اروپايي ټولنې ۱۴ غړیو هیوادونو د سوریې پر رژیم پر ادلب د روانو بریدونو درولو غږ وکړ

د فرانسې ، جرمني، ایټالیا، هالنډ، اسپانیا، پرتګال، بلجیم، ایستونیا، پولنډ، لیتوانیا، سویډن، ډنمارک، فلنډ او ایرلنډ   د بهرنیو چارو وزیرانو د جرمني د خبري اژانس لپاره ګډه مقاله  لیکلې ده.

په مقاله کې  د سوریې پر رژیم او ملاتړ کوونکو يي پر ادلب د روانو بریدونو د هر څه ژر د بندولو  او د ۲۰۱۸ کال په مني کې  شوي اوربند ته  د بیرته ګرځیدو غږ شوی دی.

نوموړی  په مقاله کې ددې خبرې په ټینګار لیکلي دي چې " د سوریې پر رژیم او ملاتړ کوونکو يي هر څه ژر پر ادلب روانو بریدونو د درولو او  د نړۍوالو بشري حقونو د مسئولیتونو د پر ځای کولو  بلنه ورکوو. "

همداشان  په مقاله کې پر روسیې  غږ شوی دی چې  د ادلب د وحشت نه ډک وضعیت او حالاتو تر کنټرول لاندې  د راوستو په خاطر د ترکیې سره د مذاکراتو پر پیلولو  غږ کوو. همداشان د روسیې نه غوښتنه شوې ده چې د ملګروملتونو د امنیت په شورا کې د سوریې شمالي سیمو ته اړینو خلکو ته د مرستو رسولو غوښتنه ویتو نکړي.

په مقاله کې ویل شوي دي چې د سوریې ستونزه د پوځي نه بلکې د مذاکراتو او سوله ایزو لارو څخه د حل وړ ده خو له بده مرغه چې د اسد رژیم یواځې پوځي لارو ته مخه کړې ده .

همداشان د اسد رژیم په جینیوا کې د ملګروملتونو د ځانګړي استازي لخوا د اساسي قانون په اړه د روانو مذاکراتو او لیدونو کتنو پر وړاندې هم خنډونه جوړوي.

په مقاله کې ددې خبرې په ټینګار ویل شوي دي چې  د اروپايي ټولنې غړي هیوادونه باید په سوریه کې د جنګي جنایتونو ترسره کوونکي باید بې سزا پاتې نشي  په اړه د خپل وس او توانه پورې هڅه وکړي.