په تایوان کې پوځي چورلکې سقوط وکړ

 په تایوان کې  یوې  پوځي  چورلکې چې  لوی درستیزوال هم  پکې  سپور  وو  سقوط کړی دی.

د ټایوان د ځايي رسنیو د خبر له مخې  دا پیښه نن د سهار په ساعتونو کې رامنځته شوې ده .

ویل کیږي چورلکه  د نوموړي هیواد پلازمینې ته نږدې په غرنیزه  سیمه کې  لویدلې ده.

د تایوان  رسمي خبري اژانس بیا ویلي دي چې پدې چورلکه کې  ۱۳ تنو شتون درلود او د ۱۱ تنو د ژغورل کیدو نه خبر ورکړی وو  خو کله چې  د ژغورنې  ډلې سیمې ته  ورسیدې  د ۸ تنو مړي وو  وموندل.

د ټایوان رسمي خبري اژانس  د لوی درستیزوال  د ژغورل کیدو نه  هم  خبر ورکړی دی خو د ژغورنې ډلو بیا ویلي دي چې  لوی درستیز هم  ددې پيښې د قربانیانو په منځ کې  دی.

ویل کیږي  چورلکه  د نوي کال  د لمانځونو  په چوکاټ کې د پلازمینې نه  د شمالي ښارونو پر لورې روانه وه .

د پيښې لامل  تر اوسه پورې معلوم  ندی.