د روسیې ولسمشر ولادیمیر پوتین د امریکا د ولسمشر ډونلډ ټرمپ نه مننه وکړه.
د روسیې او امریکا ولسمشرانو ټیلیفوني خبرې وکړې
د کرملین ماڼۍ د رسنیو دفتر د روسیې او امریکا د ولسمشرانو د ټيلیفوني خبرو نه خبر ورکړی دی.
د کرملین ماڼۍ د رسنیو دفتر لخوا د خپور شوي بیان له مخې " ولسمشر ولادیمیر پوتین په روسیه کې د یو ترهګریز برید په مخنیوي کې د امریکا د استخباراتو د ادارې د همکارۍ له امله د امریکا د ولسمشر ډونلډ ټرمپ نه مننه وکړه."
سربیره پر دې دواړو مشرانو د ترهګرۍ پر وړاندې په مبارزه کې د لا قوي همکاریو ترسره کولو ژمنه وکړه.
د روسیې او امریکا د ولسمشرانو د ټیلیفوني خبرو نه سمدلاسه وروسته د روسیې د امنیت فدرال سرویس د دوو تنو روسانو نه چې د نوي کال د لمانځونو پر مهال يي په سانت پیترزبرګ په ښار کې د خلکو د ګڼې ګوڼې په منځ کې د ترهګریزو بریدونو هوډ درلود د نیولو نه خبر ورکړ.
یادې شوې ادارې ویلي دي چې یاد شوي برید کوونکي د امریکا د ځانګړو استخباراتو د ادارې د راپور او معلوماتو له مخې نیولي دي.
اړوند خبرونه
چین په بیجینګ کې د المان سفیر بهرنیو چارو وزارت ته احضار کړ
چین په بیجینګ کې د جرمني سفیر پاتریشیا فلور د بهرنیو چارو وزارت ته احضار کړ.