د ټرمپ نه د امریکا د خلکو ملاتړ ۶ سلنه لوړ شوی دی
په امریکا متحده ایالتونو کې د ولسمشر ډونلډ ټرمپ نه د خلکو ملاتړ د کانګرس لخوا د هغه پر خلاف تحقیقاتو د پیلولو نه راپدیخوا ۶ سلنه لوړ شوی دی.
د ګالوپ د نظر سنجۍ نړۍوال شرکت لخوا د ترسره شوي وروستي نظر سنجۍ له مخې د ټرمپ نه د خلکو ملاتړ د کانګرس لخوا د هغه په اړه د تحقیقاتو د پیلیدو نه راپدیخوا د پام وړ لوړ شوی دی.
د جمهوریت پلوو ترمنځه د ټرمپ نه د ملاتړ کچه ۸۹ سلنې ته رسیدلې ده .
پدې نظر سنجۍ کې ویل شوي دي چې د امریکا د خلکو ترمنځه ټرمپ د دندې نه د ګوښه کولو د مسئلې په اړه اختلاف د نظر شتون لري. په نظرسنجي د ګډون کوونکو ۵۱ سلنه د ټرمپ د دندې نه د ګوښه کولو سره مخالفت ښودلی او ۴۶ سلنې نورو بیا د دندې نه د ټرمپ د ګوښه کولو د مسئلې نه ملاتړ کړی دی.
یاد شوي شرکت ویلي دي چې د ټرمپ پر خلاف د تحقیقاتو د پيلیدو نه راپدیخوا د خلکو په منځ کې د ټرمپ ملاتړ او محبوبیت ۶ سلنه لوړ شوی دی.
د ویلو ده چې د امریکا ولسمشر ډونلډ ټرمپ د روان کال د جولای په میاشت کې د اوکراین ولسمشر ولادیمیر زیلانسکي سره په ټیلیفوني خبرو کې د هغه نه د هغه د ستر رقیب جو بایدن د کورنۍ پر خلاف په اوکراین کې د تحقیقاتو د پیلولو غوښتنه کړې وه. ټرمپ د اوکراین ولسمشر ته ویلي وو که چیرې دا کار ونکړي مالي مرستې به پرې قطع کړي.
د ټرمپ دا ټیلیفوني خبرې د سپټمبر په میاشت کې د خبري رسنیو لاس ته ورغلې.
ددې په مقابل کې ډیموکراټانو په کانګرس کې د ولسمشر ټرمپ پر خلاف د دندې نه د لرې کولو په خاطر تحقیقات پیل کړل.
اړوند خبرونه
![د امریکا ولسمشر بایدن د کډوالو په اړه خپل نوی پروګرام اعلان کړ. ۵۰۰ زرو تنو ته د امریکا تابعیت ورکوي](http://cdn.trt.net.tr/images/medium/rectangle/b6c4/67e4/c1e5/66615bc834834.jpg?time=1718900416)
د امریکا ولسمشر بایدن د کډوالو په اړه خپل نوی پروګرام اعلان کړ. ۵۰۰ زرو تنو ته د امریکا تابعیت ورکوي
د روسیې ولسمشر ولادیمیر پوتین له ۲۴ کلونو وروسته په رسمي سفر شمالي کوریا ته ولاړ.
د شمالي کوریا مشر کیم جونګ اون په هوايي ډګر کې د پوتین هرکلی وکړ.