په چین کې  په چاودنه کې  لږ تر لږه  ۹ تنو ژوند لاسه ورکړ.

د چین په ختیځ کې  د وکسي په ښار کې  په دوکان کې  د ګازو  ستره چاودنه وشوه. په چاودنه کې  ۹ تنو ژوند د لاسه ورکړ. د چاودنې  شیبې د شاوخوا دوکانونو په امنیتي کمره کې  ثبت شوي دي.

د چین د وکسي ښار  ځايي مقاماتو ویلي دي چې  په یو دوکان کې د ګازو د زورورې چاودنې په پایله کې نهو تنو ژوند د لاسه ورکړی او ۱۰ تنه نور ټپيان شوي دي.

چاودنه  پداسې حال کې رامنځته شوه چې په سیمه کې  خلک په پياده رو کې  روان ول.

د چاودنې په نتیجه کې  ۳ دوکانونو  زیان  لیدلی دی. همداشان  یو زیات شمیر دوکانونو شیشې ماتې شوي دي.

د پيښې نه وروسته  ۲۰ د اور وژنې موټرې، ۱۰۵ تنه اور وژونکي ، ۳۲ تنه د ژغورنې پرسونل  او څه باندې  ۳۰ دانې امبولانسونه  د پيښې سیمې ته استول شوي وو.