امریکا سعودي عربستان ته سرتیري او دافع هوا سیستمونه استوي
امریکا د سعودي عربستان د دفاع هوا سیستمونو د قوي کولو په خاطر دې هیواد ته سرتیري او دافع هوا توغندي استوي
امریکا متحده ایالتونو د دفاع وزارت پنټاګون د سعودي عربستان د تیلو پر چاڼځایونو د بریدونو نه وروسته نوموړي هیواد ته د ۲۰۰ تنو سرتیرو، یوه د پاترویوت دافع هوا توغندیو دستګاه او ۴ د لنډواټنه رادار دستګاه ګانو د استولو پریکړه کړې.
د پنټاګون ویاند جاناتان هافمن خبري غونډې ته وویل چې « پر سعودي عربستان د وروستیو بریدونو او د نوموړي هیواد د غوښتنې له مخې د دفاع وزیر مارک اسپر د امریکا نه سعودي عربستان ته د ۲۰۰ تنو سرتیرو، د پاترویوت دافع توغندیو یوه دستګاه او د لنډواتنه رادار د ۴ دستګاګانو د استولو پریکړه وکړه.»
هافمن وویل چې امریکايي سرتیري او دافع هوا سیستم او رادار به د سعودي عربستان د ملکي او پوځي تاسیساتو نه د دفاع په برخه کې د نوموړي هیواد د دفاعي سیستونو سره د پام وړ مرسته وکړي او طاقت او ظرفیت به يي لوړ کړي.
ویاند ویلي دي چې د دفاع وزیر نوموړي هیواد ته د اضافه تجهیزاتو د استولو په خاطر هم د تیاریو نیولو امر کړی دی.
په اضافه تجهیزاتو کې دوه د پاترویوت توغندیو دستګاګانې او یو هم د لوړې ارتفاع دافع هوا سیستم ټاد شتون لري.
اړوند خبرونه
چین په بیجینګ کې د المان سفیر بهرنیو چارو وزارت ته احضار کړ
چین په بیجینګ کې د جرمني سفیر پاتریشیا فلور د بهرنیو چارو وزارت ته احضار کړ.
