ټرمپ د تکزاس او اوهایو د وروستیو بریدونو د برید کوونکو د اعدامولو غوښتنه وکړه

امریکا  ولسمشر ټرمپ  د تکزاس د ال پاسو  او د اویاهو د دایتون  په ښارونو کې  د وروستیو خونړیو بریدونو په اړه چې په پایله کې ۲۹ تنو ژوند د لاسه ورکړ او په لسګونو تنه نور ټپیان شوي دي  په سپینه ماڼۍ کې خبري غونډه جوړه کړه.

ټرمپ  په امریکا کې  د وسلو د قانون  د بعضو کمبودیو نه په یادونې سره وویل چې  ، د وسلو د خرڅلاو پر مهال باید د پیرودونکي  شخص  په اړه  لا زیات  تحقیقات وشي. هغه  ویلي دي چې د وسلو په قانون کې  د اصلاحاتو غوښتنه کړې ده .

ټرمپ  د وسلو په قانون کې د اصلاحاتو په اړه  د جزیاتو ورکولو نه ډډه وکړه او وویل چې تاسې ته وعده  درکوم  چې  د عاجل حل په خاطر به  ګړندي ګامونه اوچت کړو.

همداشان  ټرمپ وویل چې  د ورته  بریدونو د فاعلینو  د هر څه ژر  اعدامولو په خاطر مو  کانګرس ته د قانون د مسودې د جوړولو هدایت ورکړ.

ټرمپ د ال پاسو د برید کوونکي لخوا  د برید نه مخکې د ټولنیزې مډیا له لارې  خپور کړي بیان ته په اشارې سره وویل « د امریکا  خلک  باید د یو غږ سره هر ډول نفرت، تعصب او سپین پوستو توکمپالي په کلکو ټکو وغندي. دا شیطاني  اډیالوژي باید له منځه یوسو. »