شمالي کوریا یو ځل بیا لنډ واټنه توغندی وازمایه
شمالي کوریا د دوه اونیو په دننه د څلورم ځل لپاره توغندی وازمایه.
![شمالي کوریا یو ځل بیا لنډ واټنه توغندی وازمایه](http://cdn.trt.net.tr/images/xlarge/rectangle/dbbc/7040/cfe8/5c592a58d9a74.jpg?time=1719165131)
د سویلي کوریا ستر درستیزوالۍ ویلي دي چې شمالي کوریا د هیواد په سویل کې د هوانګ های د ایالت نه د جاپان د سمندر پر لورې لنډ واټنه توغندی توغولی دی.
توغندی د ۴۵۰ کیلومتر واټن نه وروسته سمندر ته وغورځید.
سویلي کوریا ویلي دي چې ددوې پوځي چارواکیو د امریکا متحده ایالتونو سره په ګډه د مسئلې په اړه تخنیکي تحقیقات پیل کړي دي.
د ویلو ده چې د شمالي کوریا د بهرنیو چارو وزارت د توغندي د ازمایلو نه مخکې د امریکا او سویلي کوریا ترمنځه په روانو ګډو پوځي تطبیقاتو نیوکه کړې وه.
د شمالي کوریا د بهرنیو چارو وزارت د سویلي کوریا او امریکا لخوا د ګډو پوځي تطبیقاتو په اړه ویلي وو « دا تطبیقات د یو اشغال لپاره چمتوالی دی. مونږ هم د ځان نه د دفاع په خاطر لازم ګامونه اوچتو. »
سویلي کوریا بیا د شمالي کوریا لخوا د توغندي د ازمایلو نه په سیمه کې د روانو ستونزو د حل په خاطر د روانو هلو ځلو په مقابل کې د اوچت شوي ګام په توګه یادونه کړې ده.
شمالي کوریا د تیرو دوو اونیو په دننه کې د څلورم ځل لپاره توغندی وازمایه.
شمالي کوریا پداسې حال کې د توغندیو په ازمایښت پیل کړی دی چې د روان میلادي کال د جون په میاشت کې د نوموړي هیواد ولسمشر کیم جونګ اون د امریکا د ولسمشر دونالد ټرمپ سره ولیدل. دواړو سیمه د اټومي وسلو نه د پاکولو اړوند د مذاکراتو له سره د پیلولو په مسئلې تفاهم وکړ.
شمالي کوریا د نږدې دوه اونۍ مخکې د جولای په ۲۵ مه نيټه یو توغندی وازمایه. همداشان لنډه موده وروسته يي دوه نور لنډ واټنه توغندي وازمایل. وروستی توغندی يي نن وازمایه.
اړوند خبرونه
![د امریکا ولسمشر بایدن د کډوالو په اړه خپل نوی پروګرام اعلان کړ. ۵۰۰ زرو تنو ته د امریکا تابعیت ورکوي](http://cdn.trt.net.tr/images/medium/rectangle/b6c4/67e4/c1e5/66615bc834834.jpg?time=1719165131)
د امریکا ولسمشر بایدن د کډوالو په اړه خپل نوی پروګرام اعلان کړ. ۵۰۰ زرو تنو ته د امریکا تابعیت ورکوي
د روسیې ولسمشر ولادیمیر پوتین له ۲۴ کلونو وروسته په رسمي سفر شمالي کوریا ته ولاړ.
د شمالي کوریا مشر کیم جونګ اون په هوايي ډګر کې د پوتین هرکلی وکړ.