ټرمپ : که ایران حکومت ته خپل ملت اهمیت ولري باید د واشنګټن سره توافق وکړي

ټرمپ دا څرګندونې  د جي شل سازمان په سرمشریزه کې د ګډون په خاطر  جاپان ته د سفر نه مخکې په سپینه ماڼۍ کې وکړې.

ټرمپ د ایران په اړه  د خپل دریځ او اوچت کړو ګامونو نه  دفاع وکړه  او وویل« ایران چې  څه وغواړي هغه کولای شي، زمونږ  لپاره  کومه  ستونزه  شتون نلري. زمونږ  وخت  ډیر زیات  دی. د ایران اقتصاد  دم  ګړۍ  د افلاس  په حالت کې قرار لري. هو  دا ستونزه  هر څه ژر  حلیدلی شي. کیدای شي چې لس کاله دوام وکړي. »

ټرمپ وویل چې پر ایران يي ډیر قوي بندیزونه لګولي دي. هغه وویل  ګمان نه کوم چې د ایران حکومت  خپلو خلکو  ته  ډیر زیات اهمیت ورکړي، که چیرې  حقیقت همدا  وي  پس  دوې  ډیر  خود غرضه  او احمقان  دي.

د ویلو ده چې  امریکا د ایران لخوا ددوې د ډرون  الوتکې د ویشتو نه وروسته  د نوموړي هیواد د دیني رهبر خامنه يي په ګډون  په یو زیات شمیر مهمو پوځي قومندانانو  او د بهرنیو چارو وزیر جواد ظریف باندې  تحریمونه ولګول.

ایران  د امریکا  دا تحریمونه په کلکه توګه وغندل او وویل چې  دا د امریکا لخوا د ډیپلوماسۍ د دروازو د تړولو په معنا  دي.